თურქეთში ბიტკოინი გადახდის საშუალება არ იქნება

თურქეთში ბიტკოინი გადახდის საშუალება არ იქნება

თურქეთისა და სალვადორის პრეზიდენტების შეხვედრა, რომელსაც თურქი კრიპტო ენთუზიასტები ელოდნენ, კრიპტოვალუტების ლეგალიზაციის შესახებ საჯარო განცხადებების გარეშე დასრულდა.

სალვადორის პრეზიდენტი ნაიბ ბუკელე სტამბოლში 20 იანვარს  თავისი ქვეყნის ახალი საელჩოს ინაუგურაციისთვის ჩავიდა.

ოფიციალური წყაროების თანახმად, ცერემონიის შემდეგ თურქეთის პრეზიდენტმა რეჯეფ თაიფ ერდოღანმა თავის კოლეგასთან  „ეკონომიკის, ვაჭრობის, თავდაცვისა და განათლების საკითხები“ განიხილა.

თურქული მედია ელოდა, რომ ერდოღანი   სალვადორელ კოლეგასთან შეხვედრისას კრიპტოვალუტების თემას დააყენებდა – ვინაიდან ცენტრალური ამერიკის ამ ქვეყანაში კრიპტო ინდუსტრია ლეგალიზებულია. თუმცა, მედიაში ამ დრომდე არაფერს გაუჟონავს, რაც პრეზიდენტების მიერ ამ თემის განხილვას დაამოწმებდა.

სამაგიეროდ Twitter-ზე გამოჩნდა ყალბი ანგარიშები, რომელთა მფლობელები წერდნენ, რომ თურქეთი  ქვეყნის შიგნით ბიტკოინის კანონიერ გადახდის საშუალებად  გამოცხადებას უახლოეს მომავლში აპირებდა.

გასული წლის ივლისში თურქეთის ფინანსთა სამინისტრომ გამოაცხადა, რომ ამზადებს კანონპროექტს, რომელიც ქვეყანაში კრიპტოვალუტების გამოყენების სამართლებრივ საფუძველს დაადგენს. ითქვა, რომ კანონი მიზნად  საცალო ინვესტორების დაცვას და ფულის გათეთრების აღკვეთას ისახავს. თურქეთის კაპიტალისა და ბაზრების საბჭომ პირობა დადო, რომ  ციფრულ აქტივებთან დაკავშირებულ ორგანიზაციებს უფრო მჭიდროდ მონიტორინგს გაუწევს.

წყარო : https://bits.media/