ილონ მასკმა ტვიტერი NFT-ს მხარდაჭერისთვის გააკრიტიკა

ილონ მასკმა ტვიტერი  NFT-ს მხარდაჭერისთვის გააკრიტიკა

Tesla-ს აღმასრულებელი დირექტორის ილონ მასკის აზრით,  Twitter-ი NFT მხარდაჭერის განსახორციელებლად დეველოპერების რესურსებს მხოლოდ  „ფუჭად ხარჯავს“ , მაშინ როცა პლატფორმას უფრო მნიშვნელოვანი პრობლემები აქვს.

რამდენიმე დღის წინ, სოციალური ქსელის Twitter-ის დეველოპერებმა მომხმარებლების ავატარებისთვის NFT-ს გამოყენების ტესტირება დაიწყეს.

ილონ მასკი (Elon Musk) მიიჩნევს, რომ Twitter-ის ხელმძღვანელობა ყურადღებას პლატფორმის  ნაკლებად მნიშვნელოვან ფუნქციებს აქცევს.

მან ხაზგასმით აღნიშნა, რომ კრიპტოვალუტის შესახებ ყოველი პოსტის ქვეშ ჩნდებიან თაღლითები, რომლებიც  გულუბრყვილო ინვესტორების მოზიდვას ცდილობენ და რომ უკეთესი იქნებოდა, დეველოპერული რესურსები ამ პრობლემის მოგვარებაზე დახარჯულიყო.

„ტვიტერი  საინჟინრო რესურსებს ამ სისულელეზე ხარჯავს, მაშინ როცა კრიპტოვალუტის თაღლითების ბოტები  ყველა თემის განხილვაზე ჩნდებიან!“ – წერს მასკი ტვიტერზე.

მასკის მოსაზრებას MicroStrategy-ის აღმასრულებელი დირექტორი მაიკლ სეილორი (Michael Saylor) გამოეხმაურა.

მას მიაჩნია, რომ თაღლითი ბოტებისგან თავდაცვა მომხმარებლების ვერიფიკაციით არის შესაძლებელი. თანაც, Lightning Network-ის ქსელის მეშვეობით ბიტკოინებში ტრანზაქციების გამოყენებით.

შეგახსენებთ, რომ ახლა Apple-ის მოწყობილობებზე Twitter-ის აპლიკაციის მომხმარებლებს  NFT სურათების ავატარად დაყენების შესაძლებლობა აქვთ. ფუნქციაზე წვდომისთვის ასევე საჭიროა Twitter Blue-ს აქტიური გამოწერა.

წყარო: https://bits.media/