კალიფორნიელთა უმრავლესობა კრიპტო-ლოიალურ საპრეზიდენტო კანდიდატს აირჩევს

კალიფორნიელთა უმრავლესობა კრიპტო-ლოიალურ საპრეზიდენტო კანდიდატს აირჩევს

უმსხვილესი ამერიკული კრიპტო ბირჟა Coinbase-ის დაკვეთით კომპანია Toluna-ს მიერ ჩატარებული კვლევის მიხედვით, კალიფორნიის შტატში კრიპტოვალუტის მფლობელების უმრავლესობა შემოდგომაზე მხარს კრიპტოვალუტებისადმი ლოიალურ საპრეზიდენტო კანდიდატს დაუჭერს.

მკვლევარებმა დაადგინეს, რომ კალიფორნიაში კრიპტოვალუტას ზრდასრული მოსახლეობის 27% (დაახლოებით 8,2 მილიონი ადამიანი) ფლობს. მათგან 40% 18-34 წლისაა. ეს ადამიანები ინტერნეტის ეპოქაში გაიზარდნენ და ადვილად სარგებლობენ ინოვაციებით, რომლებიც ცხოვრებას ამარტივებს.

ახალგაზრდების 7%-ს სურს, რომ ხელისუფლებამ ინოვაციების განვითარებას ხელი არ შეუშალოს და ხალხს ფულის მართვა ტრადიციული ფინანსური ინსტიტუტებისგან დამოუკიდებლად შეეძლოს.

კალიფორნიაში კრიპტოვალუტის მფლობელთა დაახლოებით 86% იმაზე თანხმდება, რომ საერთაშორისო ფინანსური სისტემა უნდა შეიცვალოს.

ამომრჩევლები სულ უფრო მეტად აქცევენ ყურადღებას ციფრული აქტივების საკითხს, რადგან ათიდან შვიდს სჯერა, რომ ამჟამინდელი ფინანსური სისტემა ძლევამოსილი ადამიანების მოთხოვნებზეა მორგებული, რიგით მოქალაქეებს კი გამდიდრებაში უშლის ხელს.

ამიტომ კალიფორნიაში კრიპტოვალუტის მფლობელთა 78%-ს მიაჩნია, რომ პოლიტიკოსებმა უახლეს ტექნოლოგიებს მხარი უნდა დაუჭირონ.

გამოკითხულთა 83% კრიპტოვალუტას და ბლოკჩეინს მნიშვნელოვან ეკონომიკური ინსტრუმენტად მიიჩნევს.

კალიფორნიელების 77%-ს სჯერა, რომ კრიპტოაქტივები და ბლოკჩეინი საზოგადოებისთვის სარგებლის მომტანია, ხოლო 79%-ს მიაჩნია, რომ ციფრულ ვალუტას ამერიკელების ეკონომიკური შესაძლებლობების გაზრდა შეუძლია.

კალიფორნიაში კრიპტოვალუტის მფლობელების აბსოლუტური უმრავლესობა მზად არის მხარი დაუჭიროს საპრეზიდენტო არჩევნებში მონაწილე იმ კანდიდატებს, რომლებიც ამომრჩევლებს კრიპტოვალუტების და ბლოკჩეინის განვითარებას ჰპირდებიან. რესპოდენტებს მიაჩნიათ, რომ ეს შტატში უფრო მეტ სამუშაო ადგილს შექმნის და ქვეყანას კრიპტო ინდუსტრიის განვითარების ცენტრად აქცევს.