კოსოვო კრიპტოვალუტის მაინინგს ორი თვით აკრძალავს

კოსოვო კრიპტოვალუტის მაინინგს ორი თვით აკრძალავს.

ენერგეტიკული კრიზისის შედეგებთან გასამკლავებლად, კოსოვოს მთავრობამ კრიპტოვალუტის მაინინგზე აკრძალვა დააწესა.

კოსოვოს მთავრობამ  ელექტროენერგიის მოხმარება შეზღუდა და კრიპტოვალუტის მაინინგის აკრძალვის შესახებ გამოაცხადა.

ნახშირზე მომუშავე ელექტროსადგურების დაბალი ეფექტურობისა და იმპორტის მაღალი ფასების გამო კოსოვოს ხელისუფლება იძულებული გახდა მეორადი ობიექტებისთვის ელექტროენერგიის მიწოდება შეეწყვიტა და 60 დღით საგანგებო მდგომარეობა გამოეცხადებინა.

„სამართალდამცავი ორგანოები, შესაბამის იუწყებებთან თანამშრომლობით,  კრიპტოვალუტის მაინინგის გამოვლენასა და აღკვეთას მოახდენენ“- ნათქვამია ეკონომიკისა და ენერგეტიკის მინისტრის არტანე რიზვანოლის (Artane Rizvanolli) განცხადებაში.

ბოლო წლებში, ელექტროენერგიის დაბალი ფასების წყალობით, კრიპტოვალუტის მაინინგი კოსოვოს მრავალი მოქალაქისთვის მიმზიდველ ბიზნესად იქცა.

მაგალითად, ერთ-ერთი ანონიმური მაინერის თქმით, 40 მაინინგ მოწყობილობაზე მისი ელექტროენერგიის ხარჯი  თვეში საშუალოდ  170 ევროს შეადგენს, ხოლო მაინინგიდან ყოველთვიური შემოსავალი საშუალოდ 2400 ევრომდეა.

სიტუაციას ამძიმებს ის ფაქტი, რომ ყველაზე სწრაფი ტემპებით კრიპტოვალუტის მაინინგი კოსოვოს ჩრდილოეთით იზრდება,

რომელიც ძირითადად სერბებით არის დასახლებული. ისინი  კოსოვოს სახელმწიფოს არ ცნობენ და  ელექტროენერგიის საფასურის გადახდაზე უარს აცხადებენ.

კოსოვომდე ზამთრის პერიოდში ელექტროენერგიის დაზოგვის მიზნით,  კრიპტოვალუტის მაინინგის აკრძალვა ირანმა შემოიღო. შეზღუდვები ძალაში იქნება 2022 წლის 6 მარტამდე.

წყარო: https://bits.media/