კრიპტოვალუტებს თაღლითობისთვის ხშირად იყენებენ

კრიპტოვალუტებს თაღლითობისთვის ხშირად იყენებენ

აშშ-ს ფასიანი ქაღალდებისა და ბირჟების კომისიის (SEC) თავმჯდომარემ გერი გენსლერმა ციფრული აქტივების ბაზრის ზრდის ფონზე, კრიპტოვალუტის ინვესტორების დაცვის საკითხი გააჟღერა.

ინვესტორების მრჩეველთა კომიტეტის სხდომაზე გამოსავლისას გერი გენსლერმა  (Gary Gensler) განაცხადა,

რომ კრიპტოვალუტის ბაზრის ზრდა მოითხოვს აქტივების ეს კლასი მთავრობის პოლიტიკის ნაწილი გახდეს, რომელიც  „ინვესტორებზე ზრუნვასთან, უკანონო ქმედებებისგან დაცვასთან და ფინანსური სტაბილურობის უზრუნველყოფასთან“ იქნება დაკავშირებული.

„აქტივების ეს კლასი ზოგიერთ აპლიკაციაში თაღლითური საქმიანობისთვის ხშირად გამოიყენება. 

უმეტეს შემთხვევაში, ინვესტორებს არ შეუძლიათ მიიღონ ზუსტი, დაბალანსებული და სრული ინფორმაცია ტოკენების ან სავაჭრო და საკრედიტო პლატფორმების შესახებ.“

მან აღიარა, რომ ამჟამად  SEC-ს კრიპტოვალუტის ბაზარზე ინვესტორების დაცვისთვის საკმარისი რესურსები არ გააჩნია, განსაკუთრებით DeFi სექტორში.

„ამერიკის მოსახლეობა ყიდულობს, ყიდის და ასესხებს კრიპტოვალუტას სავაჭრო, საკრედიტო და დეცენტრალიზებულ ფინანსურ პლატფორმებზე, სადაც  ინვესტორების დაცვის მხრივ სერიოზული ხარვეზები არსებობს.“

გენსლერმა აღნიშნა, რომ DeFi ბაზრებს მანიპულაციისთვის ღიას ტოვებს, რაც ინვესტორებს დაუცველს ხდის. ამიტომ, თუ მარეგულირებლები  გამჭვირვალობის საკითხებს არ მოაგვარებენ, ბევრი ინვესტორი დაზარალდება.

SEC-ის ხელმძღვანელის განმარტებით, ბევრი ტოკენის შეთავაზება და გაყიდვა ფასიანი ქაღალდის სტატუსით ხდება.

თუმცა, ის ტოკენს ფასიან ქაღალდად არ მიიჩნევს. მისი აზრით, ფასიანი ქაღალდები არის აქციები, ობლიგაციები და კუპიურები.

არსებობს მხოლოდ 20-მდე პოზიცია, რომლებიც კონგრესმა 1930-იან წლებში ფასიანი ქაღალდებად აღიარა. 

ცოტა ხნის წინ გენსლერმა ბიტკოინს ამერიკული ტრადიციული საბანკო სისტემის ავტონომიური ალტერნატივა და კონკურენტი უწოდა.

ოქტომბერში SEC-ის კომისარმა ქეროლაინ კრენშოუმ (Caroline Crenshaw) DeFi-ის პროექტებს, გამჭვირვალობისა და ანონიმურობის საკითხების გადასაჭრელად მარეგულირებლებთან მუშაობისკენ მოუწოდა.

წყარო: https://bits.media