ბუკელეს აზრით წელს ბიტკოინი 100000$ გახდება

ნაიბ ბუკელეს აზრით წელს ბიტკოინი 100000$ გახდება

სალვადორის პრეზიდენტმა ნაიბ ბუკელემ  კრიპტოვალუტის ბაზრის განვითარების პროგნოზი გამოაქვეყნა, რომლის მიხედვითაც 2022 წელს ბიტკოინის კურსი 100000 დოლარს მიაღწევს.

სოციალურ ქსელ Twitter-ზე გამოქვეყნებულ პოსტში ნაიბ ბუკელე (Nayib Bukele) წერს, რომ წელს პირველი კრიპტოვალუტის კურსი 100 000 დოლარს მიაღწევს.

ის ასევე ელოდება, რომ ბიტკოინს გადახდის ოფიციალურ საშუალებად კიდევ ორი ​​ქვეყანა მიიღებს. ამ დროისთვის BTC-ს მსგავსი სტატუსი მხოლოდ  სალვადორში აქვს.

საინტერესოა, რომ ბუკელეს აზრით, კრიპტოვალუტები აშშ-ის მომავალ საპრეზიდენტო არჩევნებზე პრობლემად იქცევა.

ამასთან დაკავშირებით, მან აზრი ბოლომდე არ ჩამოაყალიბა, მაგრამ სავარაუდოდ, ის  საარჩევნო კამპანიის დაფინანსებას გულისხმობს.

კანდიდატებს  შემოწირულობების კრიპტოვალუტაში მიღება შეეძლებათ, მაგრამ ფინანსური სახსრების წყაროებისთვის თვალყურის დევნება საკმაოდ რთული იქნება.

ბუკელემ ასევე განაცხადა, რომ წელს Bitcoin City-ის მშენებლობა დაიწყება. სალვადორში ბიტკოინის ქალაქის აშენების გეგმები ნოემბრის ბოლოს გახდა ცნობილი. პროექტის ფარგლებში ქვეყანაში კრიპტოვალუტის ინდუსტრიის და სხვა ტექნოლოგიური და სოციალური ინიციატივების განვითარებისთვის ინოვაციური ქალაქის შექმნა იგეგმება. სალვადორი ქალაქის მშენებლობაში ინვესტიციის განხორციელებას ობლიგაციების გაყიდვიდან შემოსული 1 მილიარდი დოლარით გეგმავს. პროექტში ინვესტირებას ასევე  გეგმავენ კრიპტოვალუტის დიდი კომპანიები . მათ შორის არიან ბირჟა Bitfinex და კომპანია Blockstream.

გარდა ამისა, ბუკელეს ცნობით, ბიტკოინის შესახებ კონფერენციაზე საზოგადოებას „დიდი სიურპრიზი“ ელის. თუ რაზეა საუბარი, ჯერ-ჯერობით უცნობია. ზემოთხსენებული კონფერენცია 2022 წლის აპრილში მაიამიში გაიმართება.

წყარო: https://bits.media/