სამხრეთ კორეას ნაჩუქარ კრიპტოვალუტაზე გადასახადი შემოაქვს

სამხრეთ კორეას ნაჩუქარ კრიპტოვალუტაზე გადასახადი შემოაქვს

სამხრეთ კორეის  შემოსავლების სამსახური 2022 წლის 1 იანვრიდან  ნაჩუქარ და მემკვიდრეობით მიღებულ კრიპტოვალუტებს დაბეგრავს.

გადასახადის გადახდა მხოლოდ ფიატურ ვალუტაში იქნება დაშვებული.

იმის გათვალისწინებით, რომ 20%-იანი საშემოსავლო გადასახადის შემოღება ტრეიდერებისთვის, რომელთა წლიური მოგება 2,5 მილიონ ვონს (დაახლოებით 2,300 აშშ დოლარს) აღემატება 2023 წლისთვის   გადაიდო,  ტრეიდერებს გადასახადის გარეშე ვაჭრობა შეეძლებათ.

სამაგიეროდ, იმ კრიპტო აქტივებისთვის, რომლებიც მემკვიდრეობით ან საჩუქრად მიიღეს ჩვეულებრივ დაიბეგრებიან. 

სამხრეთ კორეის მოქალაქეებს საგადასახადო ვალდებულებების შესრულება მომავალი წლის დასაწყისიდან მოეთხოვებათ.

გადახდის პროცესის გასამარტივებლად, სამხრეთ კორეის შემოსავლების სამსახურმა (NTS) თავის ვებსაიტზე ახალი ინსტრუმენტი დაამატა, რომელიც მომხმარებლებს გადასახდელი თანხის გამოთვლაში დაეხმარება.

სამხრეთ კორეულ ვონში კრიპტო აქტივების ღირებულების გამოსათვლელად, ვიჯეტი კრიპტობირჟების Upbit, Bithumb, Korbit და Coinone მონაცემებს გამოიყენებს.

აღსანიშნავია, რომ მოცემული სერვისის მეშვეობით მომხმარებლები ნაცვლად კრიპტოვალუტის ღირებულების მისი ჩუქების ან მემკვიდრეობით მიღების მომენტში გაანგარიშებისა, გამოთვლიან საშუალო ფასს ჩუქებით ან მემკვიდრეობით მიღების თარიღამდე ერთი თვით ადრე და ასევე ერთი თვით გვიან (ორი თვის).

ეს შესაძლოა გამოწვეული იყოს NTS-ის სიფრთხილით, ტრეიდერებმა გადასახადის შემცირების მიზნით კრიპტოვალუტის ჩუქებით ან მემკვიდრეობით გადაცემა კურსის ვარდნას არ დაამთხვიონ.

სამხრეთ კორეის მთავრობა კრიპტოვალუტის ბაზარზე მანიპულაციების წინააღმდეგ საბრძოლველად წესებს ამკაცრებს.

მანამდე ქვეყნის ფინანსთა სამინისტრომ გამოაცხადა, რომ საგადასახადო ორგანოები იმ ტრეიდერებისა და ინვესტორებისთვის, რომლებიც გადასახადებს თავს არიდებენ, კრიპტოვალუტის კონფისკაციას შეძლებდნენ. ჩამორთმეული კრიპტოვალუტა სოციალურ უზრუნველყოფას მოხმარდებოდა.

წყარო: https://bits.media/