საცალო კრიპტოინვესტორებს SEC-ისგან დაცვა სჭირდებათ
Ripple-ის აღმასრულებელმა დირექტორმა აშშ-ს ფასიანი ქაღალდებისა და ბირჟების კომისია (SEC) გააკრიტიკა და ამერიკელ კანონმდებლებს საცალო კრიპტო ინვესტორების დაცვისკენ მოუწოდა.
ბრედ გარლინგჰაუსის (Brad Garlinghouse) განცხადებით, SEC-ის მხრიდან კრიპტო ინდუსტრიაზე გადაჭარბებულმა კონტროლმა და კომპანიებისთვის მკაფიო წესების არარსებობამ საცალო ინვესტორებისთვის უარყოფითი შედეგები გამოიწვია. Ripple-ის ხელმძღვანელმა აშშ-ს ხელისუფლებას ციფრული აქტივების ინდუსტრიისთვის მკაფიო წესების განმსაზღვრელი საკანონმდებლო ბაზის შექმნისა და რიგითი ტრეიდერების დაცვის თხოვნით მიმართა.
„კომისიამ არეულობა შექმნა, პოლიციელის როლი მოირგო და კრიპტოვალუტებს გადაწვდა. მაშინ, როცა მას ამის უფლება არ აქვს. რა მოჰყვა ამ ყველაფერს? მომხმარებელთა საქმეები სასამართლოში რჩება, მარეგულირებელი კი პრესკონფერენციებს მართავს“ – აღშფოთება გამოხატა გარლინგჰაუსმა.
SEC-ის მისამართით ბიზნესმენის აღშფოთებული კომენტარები გამოწვეულია მარეგულირებლის განცხადებებით, რომ Ripple-ის საქმეზე ბოლო გადაწყვეტილებას გაასაჩივრებს. სააგენტო დარწმუნებულია, რომ სასამართლომ არასწორი გადაწყვეტილება მიიღო, როდესაც გამოაცხადა, რომ ბირჟებზე ტოკენ XRP-ის საცალო გაყიდვები ფასიან ქაღალდებთან არ არის დაკავშირებული.
„ყველამ იცის, რომ მკაფიო წესების დამკვიდრებისა და საცალო კრიპტო ტრეიდერების დაცვის ერთადერთი გზა არის კანონი და არა იძულებითი რეგულაცია. – წერს გარლინგჰაუსი ტვიტერზე.
ბიზნესმენი დარწმუნებულია, რომ მის მოსაზრებას მხარს კონგრესის სულ უფრო მეტი წევრი უჭერს . გარლინგჰაუსმა ახსენა რესპუბლიკელი რიჩი ტორესი (Ritchie Torres), რომელმაც გასულ წელს SEC-ის თავმჯდომარე გერი გენსლერი (Gary Gensler) უნიათო ხელმძღვანელად მოიხსენია და პატრიკ მაკჰენრი (Patrick McHenry), რომელიც ახლახან კრიპტოვალუტების შესახებ კანონპროექტს ლობირებდა. მარეგულირებლის კრიტიკას მოგვიანებით Ripple Labs-ის გენერალური მრჩეველი სტიუარტ ალდეროტიც (Stuart Alderoty) შეუერთდა:
„საუბარი ადამიანთან, რომელსაც ჯერ კიდევ არ ესმის, რომ ტოკენი არ წარმოადგენს ფასიან ქაღალდს, იგივეა შუა საუკუნეების მაცხოვრებელს აუხსნა, რომ დედამიწა მრგვალია“- ხუმრობდა ალდეროთი.
რამდენიმე დღის წინ Ripple-მა ევროპაში გაფართოების შესახებ გამოაცხადა და საქმიანობის ლიცენზიისთვის გაერთიანებულ სამეფოსა და ირლანდიას მიმართა.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)