აშშ-ს ფედერალურმა რეზერვმა ბლოკჩეინის სარგებლიანობა აღიარა

აშშ-ს ფედერალურმა რეზერვმა ბლოკჩეინის სარგებლიანობა აღიარა

აშშ-ს ფედერალური სარეზერვო სისტემის (FED) დირექტორთა საბჭოს წარმომადგენელმა ბლოკჩეინის პოტენციალი და პერსპექტივები აღიარა და განაცხადა, რომ ამ ტექნოლოგიას  გადახდების ინდუსტრიის გაუმჯობესება შეუძლია.

კრისტოფერ უოლერმა (Christopher Waller) თავის გამოსვლაში აღნიშნა, რომ ბლოკჩეინი არის განაწილებული მონაცემთა ბაზა,

რომელიც კრიპტოვალუტის ტრანზაქციებისა და ციფრული აქტივების მფლობელობის შესახებ ინფორმაციას ინახავს.

მისი აზრით, იგივე მიზნით ბლოკჩეინის გამოყენება მიზანშეწონილია ტრადიციული აქტივებისთვის, მათ შორის ფასიანი ქაღალდებისა და დერივატივებისთვის, რომელთა ტოკენიზაციაც შესაძლებელია.

„ბლოკჩეინი 24 საათის მანძილზე რეალურ დროში გადარიცხვების შესაძლებლობას უზრუნველყოფს, რაც მხარეებს ანგარიშსწორების დროის კონტროლის საშუალებას მისცემს და ზოგ შემთხვევაში, ლიკვიდობის რისკებსაც კი შეამსუბუქებს.“

უოლერის თქმით,  ტოკენიზებული აქტივების კიდევ ერთი უპირატესობა ჭკვიანი კონტრაქტების გამოყენებაა.

სმარტ კონტრაქტების შესრულება არ არის დამოკიდებული ტრანზაქციის მონაწილეებზე, არამედ ავტომატურად, შეთანხმებული პირობების საფუძველზე ხორციელდება.

როგორც უოლერი აღნიშნავს, ბევრი კერძო კომპანია  უცხოურ ვალუტებთან დაკავშირებულ ოპერაციებს ბლოკჩეინისა და ჭკვიანი კონტრაქტების გამოყენებით უკვე ახორციელებს.

თუმცა, იმის გამო რომ მათი დანერგვა ჯერ კიდევ ადრეულ ეტაპზეა უოლერი სიფრთხილისკენ მოუწოდებს.

გასულ წელს კრისტოფერ უოლერმა ციფრული დოლარის ამოქმედების თაობაზე წინააღმდეგობა გამოთქვა. ის დარწმუნებულია, რომ Fed-ის ციფრულმა ვალუტამ  აშშ დოლარში გადახდების გაუმჯობესება უნდა შეძლოს.