ფინანსურ მრჩევლებს კრიპტოვალუტის ოპერაციებისთვის მიმართავენ

ფინანსურ მრჩევლებს კრიპტოვალუტის ოპერაციებისთვის მიმართავენ

გასული წლის განმავლობაში თითქმის ყველა ამერიკელმა ფინანსურმა მრჩეველმა კრიპტოვალუტაში ინვესტიციების შესახებ მინიმუმ ერთი მოთხოვნა მიიღო.  ამ დასკვნამდე
Bitwise-ის ანალიტიკოსები მივიდნენ.

კრიპტოვალუტის ფონდმა Bitwise გამოაქვეყნა ანგარიში, რომლის მიხედვითაც 2021 წლის განმავლობაში ფინანსური მრჩევლების 94%-ს კლიენტებმა კრიპტო აქტივებში
ინვესტირების შესახებ შეკითხვები დაუსვეს.

2020 წელს ასეთი მოთხოვნები მრჩეველთა 81%-მა, ხოლო 2019 წელს – მხოლოდ 76%-მა დააფიქსირა:

„ეს რიცხვი ადასტურებს მთავარს: ყველა მრჩეველი უნდა იყოს კომპეტენტური, უპასუხოს კლიენტების შეკითხვებს კრიპტოვალუტების შესახებ.“

ამასთან, Bitwise-ის კვლევამ აჩვენა, რომ სულ უფრო მეტი ამერიკელი ინვესტირებას დამოუკიდებლად, ფინანსური მრჩევლების დახმარების გარეშე ახდენს.

კერძო ინვესტორების სულ მცირე ორი მესამედი (67%) ახლა, 2022 წლის დასაწყისში, ციფრულ აქტივებში ინვესტირებას თავად ახდენს. ერთი წლის წინ მათი რაოდენობა 36%-ს შეადგენდა,
ორი წლის წინ კი – 35%-ს.

Bitwise ექსპერტები მივიდნენ დასკვნამდე, რომ ციფრული აქტივების მიმართ ინტერესი საზოგადოების სხვადასხვა სექტორიდან და სხვადასხვა პროფილის ბიზნესმენებისგან მოდის.

გამოკითხვაში მონაწილეობა შეერთებული შტატების მასშტაბით 619-მა პროფესიონალმა ფინანსურმა მრჩეველმა მიიღო.

აშშ-ს საბანკო სისტემა კლიენტების ცვალებად საჭიროებებზე ოპერატიულად რეაგირებს.

ერთი კვირის წინ გამომცემლობა American Banker-მა განაცხადა, რომ კრიპტოვალუტების პოპულარობის ზრდასთან დაკავშირებით, მცირე კერძო ბანკები მზად არიან მომხმარებელს ციფრული აქტივები უახლოეს მომავალში შესთავაზონ.

დაახლოებით 300 ამერიკული ბანკი საკუთარი მობილური აპლიკაციების მეშვეობით ბიტკოინით ვაჭრობას უკვე 2022 წლის პირველ და მეორე კვარტალში აპირებს.

კრიპტოვალუტის ბირჟა Huobi-ს მოხსენებაში ნათქვამია, რომ აშშ-ს კრიპტო ბაზარზე ინვესტორების ორ მესამედზე მეტმა ციფრული აქტივების შეძენა მხოლოდ 2021 წელს დაიწყო.

ამავდროულად, შეერთებულ შტატებში საგადასახადო პოლიტიკის გამკაცრების ფონზე, სულ უფრო მეტი მსხვილი კრიპტო ინვესტორი ბინადრობის ნებართვას პუერტო რიკოში იძენს.

ეს ამერიკული ოფშორი გაძლევთ საშუალებას არ გადაიხადოთ გადასახადი კრიპტოვალუტებზე.

წყარო: https://bits.media/