ყირგიზეთში ელ.სადგურის დირექტორთან მაინინგ ფერმა აღმოაჩინეს

ყირგიზეთში ელ.სადგურის დირექტორთან მაინინგ ფერმა აღმოაჩინეს

ყირგიზეთის ეროვნული უსაფრთხოების სახელმწიფო კომიტეტმა ჩოლპონ-ატას რეგიონალური ელექტროსადგურის ახლადდანიშნული უფროსის სახლში უკანონო მაინინგ ფერმის აღმოჩენის შესახებ გამოაცხადა.

როგორც  ეროვნული უსაფრთხოების სახელმწიფო კომიტეტის პრესსამსახურზე დაყრდნობით საინფორმაციო სააგენტო Sputnik იტყობინება, რეგიონალური ელექტროსადგურის ახალი ხელმძღვანელის სახლში მაინინგ ფერმა იპოვეს.

აღნიშნული პიროვნება ჩოლპონ-ატას სადისტრიბუციო ზონაში სხვადასხვა თანამდებობაზე დიდი ხნის განმავლობაში მუშაობდა, ამიტომ მრიცხველის გვერდის ავლით სამაინინგო აღჭურვილობის ქსელთან დაკავშირება არ გაუჭირდა. ყველაზე საინტერესო ის არის, რომ ეჭვმიტანილი ჰესის დირექტორის პოსტზე  8 დეკემბერს დაინიშნა.

„ეჭვმიტანილის საცხოვრებელ ადგილზე  მნიშვნელოვანი მოცულობით ელექტროენერგიის ქურდობის ფაქტი დადგინდა. ვინაიდან აღნიშნული სამაინინგო ფერმა ელექტრომრიცხველის გვერდის ავლით იყო მიერთებული.

ენერგოსისტემაში მუშაობისას, მიუხედავად ქვეყანაში არსებული ენერგეტიკული კრიზისისა, რომელიც  წყლის დაბალი ციკლით არის გამოწვეული, თანამდებობას ბოროტად იყენებდა და ელექტროენერგიის ქურდობას ეწეოდა, რითაც ყირგიზეთის რესპუბლიკის ენერგეტიკულ უსაფრთხოებას ზიანს აყენებდა.“ – ნათქვამია პრესრელიზში. 

ახლა გამომძიებლები მაინერის მიერ მოპარული ელექტროენერგიის რაოდენობას და სახელმწიფოსთვის მიყენებულ მთლიან ზარალს  ითვლიან და აფასებენ.

მანამდე უკანონო მაინინგ ფერმა უკრაინის სამართალდამცავმა უწყებებმა აღმოაჩინეს და  220 000 დოლარის ღირებულების აღჭურვილობა ამოიღეს,

ხოლო თვის დასაწყისში მიწისქვეშა მაინინგ ფერმა რუსულმა პოლიციამ აღმოაჩინა, რომელიც დღეში 500 000 რუბლის ელექტროენერგიას მოიხმარდა .

წყარო: https://bits.media