2021-ში 14 მილიარდი დოლარის კრიპტოვალუტა მოიპარეს

2021-ში 14 მილიარდი დოლარის კრიპტოვალუტა მოიპარეს

ანალიტიკური კომპანიის  მოხსენების თანახმად, DeFi ინდუსტრიის ზრდის შედეგად, კრიპტოვალუტებთან დაკავშირებული დანაშაულის რაოდენობა 2021 წელს 2020-თან შედარებით 79%-ით გაიზარდა.

მკვლევარების განაცხადებით, კრიპტოვალუტით თაღლითობა 2021 წლის  ყველაზე გავრცელებული დანაშაული გახდა.

თაღლითობის შედეგად მიღებული ზარალი 82%-ით გაიზარდა და 7,8 მილიარდ დოლარს მიაღწია. მოპარული კრიპტოვალუტიდან  2,8 მილიარდ დოლარზე მეტი არის აქტივები, რომლებიც  თაღლითური  პროექტებიდან არის ამოღებული.

ამას მოჰყვება აქტივების ქურდობა კრიპტოვალუტის ბირჟებიდან. ანგარიშის მიხედვით  მოპარული კრიპტოვალუტების მოცულობა 2020 წლიდან 516%-ით გაიზარდა და 3,2 მილიარდ დოლარს მიაღწია. მთლიანი მოპარული კრიპტოვალუტებიდან 72% DeFi პროტოკოლებიდან არის ამოღებული.

ანგარიშის ავტორებს მიაჩნიათ, რომ DeFi-ის მთავარი ნაკლი დეცენტრალიზაციაა.

„DeFi – კრიპტოვალუტის ეკოსისტემაში ერთ-ერთი ყველაზე საინტერესო სფეროა, რომელიც  მეწარმეებსა და კრიპტოვალუტის მომხმარებლებს უზარმაზარ შესაძლებლობებს სთავაზობს.

თუმცა, ნაკლებად სავარაუდოა DeFi-იმ საკუთარი პოტენციალის სრული რეალიზაცია მოახდინოს,  თუკი დეცენტრალიზაცია, რომელიც მას ასე დინამიურს ხდის,  თაღლითობის შესაძლებლობას იძლევა“, – ნათქვამია მოხსენებაში.

Chainalysis-ის კვლევის ხელმძღვანელმა, კიმ გრაუერმა (Kim Grauer) განმარტა, რომ DeFi-ს ერთ-ერთ პრობლემას პროტოკოლების კოდებში არსებული ხარვეზები წარმოადგენს,  რომელთა გამოყენებაც ჰაკერებს შეუძლიათ. 2021 წელს სისტემის გასატეხად შემთვევების 21%-ში ჰაკერებმა ექსპლოიტები გამოიყენეს.

ამასთან, არალეგალური მისამართების გამოყენებით განხორციელებული ტრანზაქციების რაოდენობამ ყველაზე დაბალი მაჩვენებელი – კრიპტოვალუტების 

 საერთო სავაჭრო მოცულობის 0.15% შეადგინა, რაც 15.8 ტრილიონი დოლარია. 

ანგარიშის ავტორებმა აღნიშნეს, რომ მნიშვნელოვნად გაზრდილი დანაშაულის  მაჩვენებლის მიუხედავად, ინდუსტრია უფრო სწრაფად იზრდება. 

წყარო: https://bits.media/