2022-ში არსებული კრიპტოვალუტების 40%-მა ბაზარი დატოვა
კომპანია CoinGecko-ს მარკეტინგის სპეციალისტების განცხადებით, 2022-ში ეგრეთ წოდებული „მკვდარი მონეტების“ რაოდენობა 2.5-ჯერ მეტი იყო ვიდრე 2020 წელს და 3.5-ჯერ მეტი ვიდრე 2021 წელს.
2021 წელს CoinGecko-ს საიტზე 8000-ზე მეტი კრიპტოვალუტა იყო წარმოდგენილი. ამას ხელი მათი ღირებულების ზრდამ შეუწყო.
მას შემდეგ 3300 კრიპტოვალუტა დეაქტივაციას ან დელისტინგს დაექვემდებარა. კრიპტო სამყარომ კი თავის ისტორიაში ერთ-ერთი უდიდესი რეცესია განიცადა.
CoinGecko-ს მონაცემებით, კრიპტოვალუტის ბაზრის კაპიტალიზაცია თითქმის 3,5-ჯერ შემცირდა: 3 ტრილიონი დოლარიდან 866 მილიარდ დოლარამდე.
ამასთან ანალიტიკოსების თქმით, ასეთი სწრაფი ვარდნა არ ნიშნავს იმას, რომ ბლოკჩეინის ეკოსისტემამ რაიმე მნიშვნელოვანი სტრუქტურული ცვლილებები განიცადა.
CoinGecko-ს წესდების შესაბამისად, კრიპტოვალუტის დელისტინგი ორი თვის განმავლობაში მის მიმართ არასაკმარისი ინტერესის ან პროექტის თაღლითურ სქემაში ჩართულობის მიზეზით შეიძლება მოხდეს.
CoinGecko-ს ექსპერტებს მიაჩნიათ, რომ წლის განმავლობაში ძალიან ბევრი კრიპტო პროექტი, ტოკენი და მონეტა გაჩნდა, რომელთაც მცირე ან ნულოვანი ღირებულება გააჩნდათ ან უბრალოდ არ ჰქონდათ გამოკვეთილი მიზანი. უმეტეს შემთხვევაში, ისინი ანონიმური ავტორების მიერ იყო შემუშავებული.
როგორც ანალიტიკოსები აღნიშნავენ, პროექტების უმეტესობის წარუმატებლობა და ჩავარდნა იმან განაპირობა, რომ საქმის ერთგული არც ისე ბევრი ადამიანი აღმოჩნდა.
ანალოგიური თვალსაზრისი ცოტახნის წინ ბირჟა BitMex-ის ყოფილმა ხელმძღვანელმა არტურ ჰეისმაც (Arthur Hayes) გამოთქვა და განაცხადა, რომ ყველაზე უპასუხისმგებლო პროექტები უკვე გაკოტრდა.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)