ბირჟამ Coinbase კრიპტოვალუტების PayPal-ით ყიდვის შესაძლებლობა დაამატა

ბირჟამ Coinbase კრიპტოვალუტების PayPal-ით ყიდვის შესაძლებლობა დაამატა

კრიპტობირჟა Coinbase-ის ამერიკელ კლიენტებს PayPal-ზე მიბმული სადებეტო ბარათებისა და საბანკო ანგარიშების მეშვეობით კრიპტოვალუტების
ყიდვა შეეძლებათ. სერვისი სხვა ქვეყნების მომხმარებლებისთვის ხელმისაწვდომი მოგვიანებით გახდება. 

კომპანიის განცხადებით, ახალმა ფუნქციამ ციფრული აქტივების შეძენა უნდა გაამარტივოს:

„კრიპტოვალუტის ყიდვა მარტივი და ადვილი უნდა იყოს. თუმცა, ფინანსების ტრადიციულ სამყაროში ფულის გადაადგილება სირთულეებთან არის დაკავშირებული. ვიცით, რომ კრიპტოვალუტის შესაძენად უფრო სწრაფ და მოსახერხებელ გზებს ელოდებით.“ 

ახალი ფუნქცია PayPal-ის ანგარიშის მქონე მომხმარებლებს საშუალებას აძლევთ ბირჟაზე ტრანზაქციების განხორციელება დაუყოვნებლივ დაიწყონ. მეტიც, მათ არ აქვთ Coinbase-სთვის საბანკო ანგარიშის შესახებ ინფორმაციის წარდგენის ვალდებულება.  

„მონაცემების უსაფრთხოდ მართვისთვის თქვენ შეგიძლიათ განაგრძოთ PayPal-ის გამოყენება  “- ნათქვამია Coinbase-ის პრეს-რელიზში.

მას შემდეგ, რაც მომხმარებელი შესაძენად სასურველ კრიპტოვალუტას აირჩევს, მან Coinbase-ის აპლიკაციაში გადახდის მეთოდების ჩამონათვალიდან  PayPal უნდა აირჩიოს. PayPal-ის მეშვეობით კლიენტს შეეძლება დღიურად 25000-მდე დოლარის კრიპტოვალუტა შეიძინოს. 

მსოფლიოს სხვა რეგიონებისთვის ახალ სერვისთან წვდომის შესაძლებლობას Coinbase რამდენიმე თვის განმავლობაში დაამატებს. მათ რიცხვში კანადა, ევროკავშირის ქვეყნები და ბრიტანეთი იქნებიან.

წყარო: https://bits.media

ბირჟამ Coinbase კრიპტოვალუტების PayPal-ით ყიდვის შესაძლებლობა დაამატა