by Maria 
საფრანგეთის ხელისუფლებამ Binance-ის წინააღმდეგ გამოძიება დაიწყო
გამოცემა Bloomberg-ის ცნობით, საფრანგეთის ხელისუფლებამ მსოფლიოში უდიდესი კრიპტო ბირჟის, Binance-ის, და კიდევ 100 კრიპტო კომპანიის წინააღმდეგ ფულის გათეთრების ბრალდებით გამოძიება დაიწყო.
Bloomberg-ის წყაროების ცნობით, შემოწმება შეეხება როგორც კომპანიის ლიცენზირებასა და ანგარიშგებას, ასევე AML ნორმების (ფულის გათეთრებისა და ტერორიზმის დაფინანსების თავიდან ასაცილებლად მიმართული ზომები) შესაბამისობას. საფრანგეთის ხელისუფლება ცდილობს დარწმუნდეს, რომ კრიპტო ბირჟები მომხმარებლის იდენტიფიკაციის მოთხოვნებს აკმაყოფილებენ და საეჭვო ტრანზაქციებს აკონტროლებენ.
გამოძიებას კოორდინაციას უწევს საფრანგეთის სპეციალიზებული ფინანსური დაზვერვის განყოფილება (TRACFIN). სააგენტო მონაცემთა გაცვლას აქტიურად აწარმოებს საგადასახადო ორგანოებთან და ევროპის ფულის გათეთრების საწინააღმდეგო სამსახურთან.
გარდა ამისა, საფრანგეთის პრუდენციული რეგულირებისა და ზედამხედველობის სამსახური (ACRP) ახდენს შეფასებას, თუ რომელი კრიპტო პლატფორმები შეიძლება აკმაყოფილებდეს ევროპული MiCA-ს ლიცენზიის კრიტერიუმებს.
Binance-ის წარმომადგენლის განცხადებით, კომპანია საფრანგეთის მარეგულირებლებთან თანამშრომლობს, აწვდის საჭირო ინფორმაციას და ზედმიწევნით იცავს ევროკავშირის კანონმდებლობას.
Bloomberg-ის მიერ გამოკითხული ექსპერტების აზრით, ამ აუდიტის შედეგებმა, განსაკუთრებით MiCA-ს ახალი რეგულაციების კონტექსტში , შესაძლოა მთელი ევროპული კრიპტო ინდუსტრიისთვის პრეცედენტი შექმნას.
სიახლეების გამოწერა
