ითერიუმს ბიტკოინზე უპირატესობა ექნება
კომპანია IOHK-ის აღმასრულებელი დირექტორი და ეთერიუმის თანადამფუძნებელი ჩარლზ ჰოსკინსონი (Charles Hoskinson) ბიტკოინში ეთერიუმის ძირითად კონკურენტს ხედავს, თუმცა მეორე კრიპტოვალუტის უპირატესობაში ეჭვი არ ეპარება.
ინფორმაციული ტექნოლოგიებისა და ხელოვნური ინტელექტის მკვლევართან,
ლექს ფრიდმანთან (Lex Fridman) პოდკასტის დროს Cardano-ს დამფუძნებელმა
განაცხადა, რომ Proof-of-Stake კონსესუსის ალგორითმზე დაფუძნებულ ბლოკჩეინებს
მნიშვნელოვნად მეტი გამტარი შესაძლებლობები და დამატებითი ფუნქციები გააჩნიათ,
რომლებიც ბიტკოინს არ აქვს.
„ბიტკოინის პრობლემა იმაშია, რომ ის ზედმეტად ნელია – ის წარსულში მეინფრეიმების პროგრამირებას ჰგავს. ერთადერთი მიზეზი, რის გამოც ბიტკოინი ჯერ კიდევ არსებობს ისაა, რომ მის მხარდასაჭერად უამრავი სახსრები იხარჯება.“- ფიქრობს ჰოსკინსონი.
IOHK-ის აღმასრულებელი დირექტორის აზრით, აუცილებელია ბიტკოინის განახლება და Proof-of-Work-ის ალგორითმზე უარის თქმა.
„ბიტკოინი საკუთარი თავის ყველაზე დიდი მტერია. მას აქვს უზარმაზარი ქსელი, ბრენდული სახელი და მარეგულირებლების მხარდაჭერა. მაგრამ თქვენ ვერ შეძლებთ მისი სისტემის შეცვლას, იმ შემთხვევაშიც კი თუ ყველაზე პრობლემურ ნაწილებს შეასწორებთ. ეთერიუმს ასეთი პრობლემები არ გააჩნია, მას თითქმის მსგავსი ქსელი აქვს, მაგრამ მისი მომხმარებელი სულ სხვა კულტურულ დონეზეა, მას უყვარს ევოლუცია და სიახლეები. რომ შემეძლოს ამ ეკოსისტემებიდან ერთ-ერთის გამარჯვებაზე ფსონის დადება ვიტყოდი, რომ ეთერიუმის გამარჯვების შანსები 90%-ს შეადგენს.“-განაცხადა ჰოსკინსონმა.
წყარო: https://bits.media
ითერიუმს ბიტკოინზე უპირატესობა ექნება
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)