მაინინგ კომპანიები ყაზახეთს ტოვებენ

მაინინგ კომპანიები ყაზახეთს ტოვებენ

მაინინგ კომპანია Xive-ის დამფუძნებლის დიდარ ბეკბაუს განაცხადებით, კრიპტოვალუტის მაინინგ კომპანიები სამხრეთ ყაზახეთს ელექტროენერგიის ნაკლებობის გამო ტოვებენ და დანადგარები რუსეთსა და შეერთებულ შტატებში გადააქვთ.

ყაზახეთს ჩინეთიდან მაინინგ კომპანიების მასიური შემოდინებით გამოწვეულ ელექტროენერგიის დეფიციტთან ბრძოლა უწევს.

ეს განსაკუთრებით ქვეყნის სამხრეთ ნაწილზე  აისახა, სადაც მძლავრი ელექტროსადგურების ნაკლებობაა, ხოლო ქვეყნის ელექტრორესურსებით მდიდარი ჩრდილოეთის რეგიონიდან კი ელექტროენერგიის საიმედოდ გადაცემა ვერ ხერხდება.

სამაინინგო ფირმა Xive-ს დამფუძნებლის,   დიდარ ბექბაუს (Didar Bekbau) განცხადებით, მის კომპანიას სამხრეთ ყაზახეთში 2500 მოწყობილობისგან შემდგარი მაინინგ ცენტრის ამოქმედება ჰქონდა გეგმაში.

თუმცა, ცხადი გახდა, რომ რეგიონში კრიპტოვალუტების მაინინგის განხორციელება ვეღარ მოხდება.

„ ყაზახეთის სამხრეთში განლაგებული სხვა კომპანიები აღჭურვილობის განთავსებისთვის ჰოსტინგ ვარიანტებს ეძებენ.

მაგრამ ქვეყანაში ვარიანტები აღარ არის და ზოგმა ობიექტები რუსეთსა და შეერთებულ შტატებში გადაიტანა.“- თქვა ბეკბაუმ.

კომპანიებს Xive-სა და Enegix-ს ელექტროენერგიის დეფიციტი მას შემდეგ შეექმნათ,

რაც სექტემბერში ყაზახეთის ელექტრო ქსელის ოპერაციულმა კომპანიამ (KEGOC) ქვეყანაში ელექტროენერგიის რაციონირება მოახდინა. შედეგად, Xive-მ ყაზახეთში ბიზნესის დახურვა გადაწყვიტა.

მიმდინარე თვის დასაწყისში, ქვეყნის პრეზიდენტმა კრიპტოვალუტების მაინინგის შესახებ  კანონის რაც შეიძლება სწრაფად შემუშავების დავალება გასცა,

რათა შეიზღუდოს არალიცენზირებული მაინინგ კომპანიების საქმიანობა , რომლებიც 1200 მეგატვატამდე ელექტროენერგიას მოიხმარენ.

ყაზახეთის ენერგეტიკის სამინისტროს განაცხადებით, არ იგეგმება ე.წ „თეთრი“ მაინერების საქმიანობის შეზღუდვა, ქვეყანაში არალეგალურად მომუშავე მაინერების წინააღმდეგ ზომები კი გატარდება.

წყარო: https://bits.media/