პუერტო-რიკო კორუფციასთან ბრძოლისთვის ბლოკჩეინს გამოიყენებს

პუერტო-რიკო კორუფციასთან ბრძოლისთვის ბლოკჩეინს გამოიყენებს

კუნძულ პუერტო-რიკოს საკანონმდებლო ორგანო  ბლოკჩეინის ოპერაციების გამჭვირვალობისა და საჯარო სექტორის ანგარიშვალდებულების უზრუნველსაყოფად ბლოკჩეინს გამოიყენებს.

პატარა კუნძულ-სახელმწიფო პუერტო-რიკო, რომლის მოსახლეობაც 3,3 მილიონია, კორუფციული სკანდალების ტალღამ შეძრა.

უკანასკნელი გასულ პარასკევს მოხდა, როდესაც ქალაქ კატანოს მერმა მუნიციპალური კონტრაქტების დადებისას პრეფერენციის სანაცვლოდ 100 000 დოლარზე მეტი ქრთამის აღების ფაქტი აღიარა. FBI-ის პუერტო რიკის ოფისის ცნობით, გამოძიება რამდენიმე სხვა ხელისუფლების წარმომადგენლის ბრალდების საქმეებზეც მიმდინარეობს.

პუერტო რიკოს წარმომადგენელთა პალატის სპიკერმა რაფაელ ერნანდესმა განაცხადა, რომ ბლოკჩეინის ინდუსტრიის წარმომადგენლებთან კონსულტაციების სერია დაიგეგმა.

შეხვედრების მთავარი განხილვის თემა საჯარო სექტორში ბლოკჩეინის და სმარტ კონტრაქტების გამოყენება იქნება, რაც საჯარო სექტორში ოპერაციების კონტროლის უზრუნველყოფას შეუწყობ ხელს.

„ჩვენ ნდობის რეალური პრობლემა გვაქვს და ბლოკჩეინი შეიძლება ამ პრობლემის გადაჭრის ნაწილი გახდეს. გარდა კორუფციასთან ბრძოლისა, ინდუსტრიასთან შეხვედრები კუნძულის ბლოკჩეინისა და კრიპტოვალუტის ინოვაციების ცენტრად გადაქცევის უფრო ფართომასშტაბიანი გეგმის ნაწილი იქნება“- განაცხადა ერნანდესმა.

მიუხედავად იმისა, რომ კუნძული შეერთებული შტატების ნაწილია, პუერტო-რიკოში  კაპიტალის მოგების გადასახადი არ არის დაწესებული, მათ შორის არც კრიპტოვალუტის ტრანზაქციებზე მიღებულ მოგებაზე. პუერტო-რიკო ერთადერთი ადგილია შეერთებულ შტატებში, სადაც საინვესტიციო შემოსავალი, დივიდენდები და პროცენტები დაბეგრვას არ ექვემდებარება. საგადასახადო შეღავათები პუერტო-რიკოში კრიპტოვალუტის კომპანიებს და ახალ რეზიდენტებს  იზიდავს. ეკონომიკური განვითარების დეპარტამენტის განცხადებით 2021 წელს საგადასახადო შეღავათებზე მოთხოვნა სამჯერ გაიზარდა.

წყარო: https://bits.media