by Giorgi 
არტურ ჰეისმა ტრამპს მოუწოდა კანონპროექტს CLARITY ვეტო დაადოს
კრიპტო-დერივატივების ბირჟა BitMEX-ის დამფუძნებელმა, არტურ ჰეისმა (Arthur Hayes), აშშ-ის პრეზიდენტ დონალდ ტრამპს მოუწოდა, კრიპტო-ბაზრის კონტროლის შესახებ კანონპროექტს CLARITY ხელი არ მოაწეროს. უახლოეს მომავალში დოკუმენტი სენატში კენჭისყრაზე უნდა გავიდეს.
ჰეისს მიაჩნია, რომ CLARITY კრიპტოვალუტებს ამერიკულ ფინანსურ სისტემაში ჩააშენებს, რაც ბიტკოინის კონცეფციას დაანგრევს. ბიზნესმენი დარწმუნებულია: სახელმწიფო რეგულირება მოკლავს ფინანსური თავისუფლების იმ სულისკვეთებას, რომელზეც პირველი კრიპტოვალუტაა დაფუძნებული. იმის ნაცვლად, რომ ბიტკოინი საბანკო სისტემის მიღმა არსებულ, ინფლაციისადმი მდგრად და სახელმწიფოსგან დამოუკიდებელ ფულად დარჩეს, ის კიდევ ერთ რეგულირებად პროდუქტად იქცევა, წუხს ჰეისი.
ბიზნესმენის აზრით, „კრიპტოვალუტების ინსტიტუციონალიზაციას“ – მათ რეგულირებად პროდუქტებად გარდაქმნას იმ ბაზარზე, სადაც შუამავლები ბანკები, კასტოდიალური სერვისები და ბროკერები არიან – შეუძლია ძირი გამოუთხაროს ყველაფერს, რისკენაც წლების განმავლობაში ბიტკოინის საზოგადოება მიისწრაფოდა.
BitMEX-ის ყოფილ გენერალურ დირექტორს კრიპტოვალუტების ჭეშმარიტ ფასეულობად მიაჩნია მათი უნარი ინვესტორების დანაზოგები ინფლაციისგან დაიცვას. ჰეისი დარწმუნებულია, რომ კანონმდებლებისა და რეგულატორების მხრიდან მიმღებლობა ციფრული აქტივებისთვის არაფერს ნიშნავს, რადგან რეალურად, კრიპტოვალუტები ფიატურ ეკონომიკას გამოწვევას უცხადებენ. კრიპტოვალუტების გავრცელება ცენტრალური ბანკების მიერ ფულის მასობრივი ბეჭდვის გამო ჩქარდება და სწორედ ამიტომ ჰეისი დარწმუნებულია, რომ BTC დოლართან მიმართებაში გაიზრდება.
ცოტა ხნის წინ, აშშ-ის სენატის საბანკო კომიტეტმა კანონპროექტს CLARITY მხარი 15 ხმით 9-ის წინააღმდეგ დაუჭირა. CLARITY-ს მიზანია კრიპტო-ბაზარზე ზედამხედველობის უფლებამოსილებები ორ ფინანსურ რეგლატორს : აშშ-ის ფასიანი ქაღალდებისა და ბირჟების კომისიის (SEC) და აშშ-ის სასაქონლო ფიუჩერსების სავაჭრო კომისიას (CFTC) შორის გაანაწილოს.
CLARITY-ს აქტიური მხარდამჭერია რესპუბლიკელი სენატორი ვაიომინგის შტატიდან, სინტია ლამისი (Cynthia Lummis). იგი დარწმუნებულია, რომ CLARITY კრიპტო-კომპანიებისთვის თამაშის წესებს მკაფიოს გახდის და თავიდან ააცილებს მათ აშშ-დან უფრო ხელსაყრელ იურისდიქციებში – მაგალითად, არაბთა გაერთიანებულ საამიროებში გადასვლას.
ამასთანავე, ჰეისმა ეჭვი შეიტანა პრეზიდენტ ტრამპის კრიპტო ინდუსტრიის მიმართ გულწრფელ მხარდაჭერაში, რომელსაც პოლიტიკოსი 2024 წლის საარჩევნო კამპანიის დროს ამომრჩეველს ჰპირდებოდა. ჰეისის პროგნოზით, სამხედრო ხარჯების ზრდისა და საბანკო რეგულაციების შესუსტების ფონზე, ბიტკოინის ფასი წლის ბოლომდე 125 000$-მდე უნდა გაიზარდოს.
წყარო: https://x.com/WuBlockchain/status/2057007351551680679
სიახლეების გამოწერა
