კრიპტოვალუტა განვითარებადი ბაზრებისთვის რისკებს ქმნის

კრიპტოვალუტა განვითარებადი ბაზრებისთვის რისკებს ქმნის  

საერთაშორისო სავალუტო ფონდის (IMF) ეკონომისტმა გლობალური ფინანსური სისტემის  ციფრული აქტივებისგან დაცვის შემუშავების მოწოდება გააჟღერა, რადგან ისინი საფრთხეს პირველ რიგში განვითარებად ქვეყნებს უქმნიან.

მსოფლიო სავალუტო ფონდის ფულად-საკრედიტო სისტემებისა და კაპიტალის ბაზრების დეპარტამენტის დირექტორის, ტობიას ადრიანის (Tobias Adrian) განცხადებით,

განვითარებად ქვეყნებში კრიპტოვალუტების ვოლატილობამ გლობალურ ფულად ნაკადებს უშუალო და სერიოზული რისკები შეიძლება შეუქმნას.

 „კრიპტოვალუტა გამოიყენება ფულის გასატანად იმ ქვეყნებიდან, რომლებიც არასტაბილურად ითვლება.“

მან  შეშფოთება გამოთქვა იმის გამო, რომ ზოგიერთი სახელმწიფოსთვის კრიპტოვალუტები  დიდ პრობლემად იქცა :

„ფულადი ნაკადების სამართავად მარეგულირებელი ინსტრუმენტების გამოყენება მაშინ რთულდება, როდესაც თანხები  ახალი ინსტრუმენტების, ახალი არხების და ახალი სერვისის პროვაიდერების მეშვეობით გადაეცემა, რომლებიც  რეგულირებად ორგანიზაციებს არ წარმოადგენენ.“

საერთაშორისო სავალუტო ფონდის ეკონომისტი დარწმუნებულია, რომ კრიპტოვალუტების გლობალური გავრცელების ფონზე ფულის მართვის ტრადიციული მექანიზმების სრულყოფა უნდა მოხდეს.

ადრიანმა ასევე გაიხსენა მზარდი კორელაცია კრიპტოვალუტებსა და ტრადიციულ ფინანსურ ბაზრებს შორის:

„კრიპტოვალუტა ახლა ძალიან მჭიდრო კავშირშია იმასთან, რაც  ფასიანი ქაღალდების ბაზარზე ხდება. ჩვენ ამის აცილება არ შეგვიძლია.“

იანვარში კრიპტოვალუტა მსხვილი ტექნოლოგიური კომპანიების აქციებთან ერთად გაძვირდა.

კრიპტოვალუტის ფასები გასულ კვირას დაეცა, რადგან ისეთი კომპანიების აქციები გაიყიდა, როგორიცაა Amazon და Netflix.

კრიპტოვალუტის ბაზრის დაცემამ  სალვადორში ბიტკოინის ფონდის კეთილდღეობაზე იმოქმედა.

საერთაშორისო სავალუტო ფონდის ხელმძღვანელობამ არაერთხელ მოუწოდა ამ ქვეყნის მთავრობას  ბიტკოინის გადახდის საშუალრბად გამოყენებაზე უარი ეთქვათ.

გასულ კვირას, საერთაშორისო სავალუტო ფონდის ეკონომისტებმა გამოაქვეყნეს ანგარიში, სადაც ეწერა, რომ კრიპტოვალუტებსა და ფასიან ქაღალდებს შორის მზარდი კორელაცია  ინვესტიციების დივერსიფიკაციის სარგებელს ზღუდავს და ფინანსური სტაბილურობის საფრთხის რისკებს ზრდის.

2021 წლის ბოლოს, საერთაშორისო სავალუტო ფონდმა ყურადღება მაკროეკონომიკური სტაბილურობის რისკებზე გაამახვილა და მსოფლიოს ყველა ქვეყანა გააფრთხილა,  ბიტკოინი  კანონიერი გადახდის საშუალებად არ მიეღოთ.

წყარო:  https://bits.media/