რუსები კრიპტოვალუტას სანქციების გვერდის ავლისთვის იყენებენ

 რუსები კრიპტოვალუტას სანქციების გვერდის ავლისთვის იყენებენ

ევროპის ცენტრალური ბანკის პრეზიდენტის კრისტინ ლაგარდის აზრით, რუსებმა კრიპტოვალუტების გამოყენება სანქციების გვერდის ავლისთვის დაიწყეს – ამას რუბლის სავალუტო წყვილში ვაჭრობის მოცულობის გაზრდა მოწმობს.

ევროპელი პოლიტიკოსები სანქციების გვერდის ასავლელად კრიპტოვალუტებისა და სტეიბლკოინების გამოყენებაზე კიდევ ერთხელ ალაპარაკდნენ.

თუმცა, ევროპის ცენტრალური ბანკის (ECB) პრეზიდენტს კრისტინ ლაგარდს ამის რეალური მტკიცებულება არ აქვს:

„როდესაც სტეიბლკოინებსა და კრიპტოვალუტებში შემოსული რუბლის მოცულობებს ხედავთ, ეს კი 2021 წლის შემდეგ ყველაზე მაღალი მაჩვენებელია, ცხადი ხდება, რომ კრიპტოვალუტები რუსეთის წინააღმდეგ მსოფლიოს მრავალი ქვეყნის მიერ დაწესებული სანქციების გვერდის ავლის მიზნით ნამდვილად გამოიყენება.

ამავდროულად, ლაგარდმა ხაზგასმით აღნიშნა, რომ კრიპტოვალუტის კომპანიები,

რომლებიც  სანქცირებულ სიაში მოხვედრილ რუსებს მომსახურებას უწევენ,  დანაშაულის თანამონაწილეები ხდებიან.

მისი თქმით, ECB მიიღებს „აუცილებელ ზომებს“, რათა უზრუნველყოს ასეთმა კომპანიებმა „მკაფიო სიგნალი“ მიიღონ.

საინტერესოა, რომ ბლოკჩეინის ანალიტიკურმა კომპანიამ Chainalysis სანქციების გვერდის ავლისთვის ციფრული აქტივების გამოყენება ვერ აღმოაჩინა.

კომპანიის განცხადებით, რუსული რუბლის წყვილში ვაჭრობის მოცულობის ზრდა მხოლოდ რუბლის დაცემისა და რუსების მიერ დანაზოგის შენარჩუნების სურვილით იყო განპიროებული.