OpenSea-ს ყოფილ ტოპ მენეჯერს თაღლითობაში ადანაშაულებენ
სავაჭრო პლატფორმა OpenSea-ს ყოფილი ტოპ მენეჯერი კრიპტო აქტივებით ინსაიდერული ვაჭრობის ბრალდებით სასამართლოს წინაშე წარსდგება.
მას 40 წლამდე თავისუფლების აღკვეთა ემუქრება.
ნიუ-იორკის სამხრეთ ოლქის პროკურორმა NFT სავაჭრო პლატფორმა OpenSea-ს ყოფილ ტოპ მენეჯერს ნათანიელ ჩესტეინს (Nathaniel Chastain) ბრალი თაღლითობასა და შეუცვლელი ტოკენებით ინსაიდერული ვაჭრობის სქემის გამოყენებით ფულის გათეთრებაში წაუყენა.
აშშ-ის ოლქის პროკურორის, დემიან უილიამსის (Damian Williams) თქმით, ჩესტეინი ბაზრის შეთავაზებებით მანიპულირებდა და სარგებლობდა კონფიდენციალური ინფორმაცით იმის შესახებ,
თუ როდის და რომელი NFT იქნებოდა განთავსებული პლატფორმაზე. უილიამსის განცხადებით:
„NFT შესაძლოა სიახლეს წარმოადგენს, ამ ტიპის დანაშაულებრივი სქემა კი არა. ჩვენი მტკიცებით, ნათანიელ ჩესტეინმა OpenSea-ს უღალატა, კონფიდენციალური ბიზნეს ინფორმაციის გამოყენებით,
პირადი მიზნებისთვის ფული გამოიმუშავა. ბრალდებები გამოხატავს ჩვენს ძალისხმევას ინსაიდერული ვაჭრობის აღმოსაფხვრელად, იქნება ეს საფონდო ბირჟაზე თუ ბლოკჩეინზე.“
ჩესტეინის წინააღმდეგ პირველი ბრალდებები ჯერ კიდევ 2021 წლის სექტემბერში გაკეთდა. მაშინ OpenSea-ს რამდენიმე კოლექციონერმა NFT-ებთან დაკავშირებული თანხების გადაადგილებაზე საკუთარი გამოძიება ჩაატარა და გამოთქვა ეჭვი, რომ ჩესტეინი პოტენციურად მომგებიან ტოკენებს საიტზე მათ საჯარო განთავსებამდე ყიდულობდა.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)