Huobi-მ აქციების საკონტროლო პაკეტის გაყიდვის შესახებ გამოაცხადა

Huobi-მ აქციების საკონტროლო პაკეტის გაყიდვის შესახებ გამოაცხადა

 მსოფლიოს ერთ-ერთმა უმსხვილესმა კრიპტოვალუტის ბირჟა Huobi-მ, კომპანიის აქციების საკონტროლო პაკეტის ჰონკონგური აქტივების მართვის კომპანია About Capital Management-ისთვის გაყიდვის შესახებ გამოაცხადა.

გარიგების ფინანსური დეტალები არ გახმაურებულა, თუმცა ცნობილია, რომ  ის ამ თვის ბოლომდე უნდა შედგეს. ჩინელი ჟურნალისტის კოლინ ვუს (Colin Wu) თქმით, გარიგება დაახლოებით 3 მილიარდ დოლარად არის შეფასებული.

About Capital-მა Huobi-ს დამფუძნებლის ლი ლინის (Li Lin) – ის მთელი წილი იყიდა. მიუხედავად იმისა, რომ მცირე აქციონერებს თავიანთი წილები არ გაუყიდიათ, ეს კომპანიაზე კონტროლის მოსაპოვებლად სრულიად საკმარისია.

გავრცელებული ინფორმაციით,  კრიპტოვალუტის ბირჟის საქმიანობა არ შეიცვლება, პირიქით, კომპანია ყურადღებას  ბიზნესის საზღვარგარეთ გაფართოებაზე გაამახვილებს.

ამისათვის „ინდუსტრიის წამყვანი ფიგურების“ მონაწილეობით  გლობალური სტრატეგიული საკონსულტაციო საბჭოს შექმნა იგეგმება. ასევე შეიქმნება და დაფინანსდება რისკების შემცირების ფონდიც.

 ჩინეთში კრიპტოვალუტების აკრძალვამდე Huobi ვაჭრობის მოცულობის მიხედვით  Binance-ის შემდეგ მეორე ადგილზე იყო.

თუმცა, აკრძალვამ ბირჟის პოზიციები შეარყია , რადგან კომპანიის ყურადღება მხოლოდ ჩინეთზე იყო კონცენტრირებული. Huobi-ს ამჟამად მსოფლიო მასშტაბით 20 მილიონი მომხმარებელი ჰყავს. აქტივების მართვის კომპანია About Capital Management  რომელიც 2013 წელს ჩენ იჰუას (Chen Yihua) მიერ დაარსდა, გარე წყაროებს ინფორმაციას იშვიათად უზიარებს.

სექტემბრის დასაწყისში Huobi-მ  ბრიტანეთის ვირჯინიის კუნძულების ფინანსური მომსახურების კომისიისგან, ქვეყანაში საქმიანობისა და ადგილობრივი ტრეიდერების მომსახურების ნებართვა მიიღო.