აშშ-ს მთავრობა კრიპტოვალუტის აკრძალვის წინააღმდეგია

აშშ-ს მთავრობა კრიპტოვალუტის აკრძალვის წინააღმდეგია

აშშ-ს სახაზინო დეპარტამენტის ხელმძღვანელის განცხადებით, კრიპტოვალუტების რეგულირება ძალიან მნიშვნელოვანია, მაგრამ ვაშინგტონი კრიპტო ინდუსტრიის სრულ აკრძალვას  არ განიხილავს.

„ჩვენ არ ვთავაზობთ კრიპტოვალუტების სრულ აკრძალვას, მაგრამ ძლიერი სამართლებრივი ბაზის შექმნა ძალიან მნიშვნელოვანია…  ამ საკითხზე ჩვენ სხვა მთავრობებთანაც ვმუშაობთ.“- განაცხადა ჯანეტ იელენმა (Janet Yellen) Reuters-ისთვის მიცემულ ინტერვიუში.

კრიპტოვალუტების რეგულირება იყო ერთ-ერთი მნიშვნელოვანი თემა, რომელიც ფინანსთა მინისტრებმა და ცენტრალური ბანკების ხელმძღვანელებმა ინდოეთის წარმომადგნლობის მიერ შაბათ-კვირას მოწყობილ G20-ის შეხვედრაზე განიხილეს.

მანამდე, თებერვალში ინდოეთის ფინანსთა მინისტრმა ინდოეთის სარეზერვო ბანკის მმართველთა საბჭოსთან გამართულ შეხვედრაზე განაცხადა, რომ კრიპტოვალუტების რეგულირების წესები შესაძლოა  G20-ის წევრი ქვეყნების დონეზე დაფიქსირდეს.

ნირმალა სითჰარამანი (Nirmala Sitharaman) დარწმუნებულია, რომ კრიპტოვალუტები დიდწილად ტექნოლოგიებზე და გაცილებით ნაკლებად ადამიანის ჩარევაზეა დამოკიდებული.

სითჰარამანის ამ ინიციატივას მხარი მოგვიანებით საერთაშორისო სავალუტო ფონდმა და აშშ-ს ხაზინამ დაუჭირეს.

აშშ-ს სახაზინო დეპარტამენტის ხელმძღვანელის მსგავსი განცხადება ცოტა ხნის წინ საერთაშორისო სავალუტო ფონდის მმართველმა დირექტორმა კრისტალინა გეორგიევამაც გააკეთა.

მან განაცხადა, რომ ორგანიზაცია ციფრული აქტივების ადეკვატური რეგულირების მომხრეა და კრიპტოვალუტების სრული აკრძალვის წინააღმდეგია.