AscendEX-იდან ჰაკერებმა კრიპტოვალუტა მოიპარეს

AscendEX-იდან ჰაკერებმა 77,7 მილიონი დოლარის კრიპტოვალუტა მოიპარეს

კრიპტოვალუტის სავაჭრო პლატფორმამ AscendEX, რომელიც წარსულში BitMax-ის სახელით იყო ცნობილი, Twitter-ზე გამოაცხადა, რომ 11 დეკემბერს,  კიბერშეტევა განიცადა.

ამავდროულად, მომხმარებლებმა მაშინვე დაიწყეს ჩივილი, რომ რამდენიმე საათიანი ლოდინის მიუხედავად  პლატფორმიდან ETH-ის გამოტანა ვერ ხერხდებოდა.

 შედეგად, ბირჟის ცხელი საფულიდან თავდამსხმელებმა Ethereum-ის, Binance Smart Chain-ისა და Polygon-ის ბაზეზე დაახლოებით 80 მილიონი დოლარის ოდენობით ტოკენის გამოტანა შეძლეს. ცივი საფულეები არ დაზარალებულა. კომპანიამ განაცხადა, რომ ინციდენტის გამოძიება მიმდინარეობს და შედეგების შესახებ მომხმარებლებს საქმის კურსში ჩააყენებენ.

AscendEX-ის განცხადებით, მომხმარებლები, რომლებიც  ჰაკერების

ქმედებებით დაზარალდნენ, ბირჟისგან  კომპენსაციას მიიღებენ. ინფორმაცია იმაზე, თუ რა სახის და ღირებულების ტოკენები მოიპარეს სავაჭრო პლატფორმამ არ გაასაჯაროვა.

ბირჟის ზარალის შესახებ  კონკრეტული მონაცემები Twitter-ზე კიბერუსაფრთხოების კომპანია PeckShield-მა გამოაქვეყნა .

მოხსენებაში ნათქვამია, რომ AscendEX-მა  $77,7 მილიონი დაკარგა, საიდანაც $60 მილიონი Ethereum-ზე, $9,2 მილიონი BSC-ზე და $8,5 მილიონი Polygon-ზე მოდის.

2021 წელს ჰაკერული თავდასხმების რაოდენობა და სიხშირე გაიზარდა. ცოტა ხნის წინ, Bitmart-ის სავაჭრო პლატფორმამ ეთერიუმის სახით  100 მილიონი დოლარი, ხოლო სხვა კრიპტოვალუტების სახით 50 მილიონი დოლარი დაკარგა.

ამ თვეში ჰაკერებმა DAO Badger-ის პროექტიდან 60 მილიონ დოლარზე მეტი კრიპტოვალუტა ამოიღეს. ანალიტიკურმა ფირმამ Elliptic  გასულ თვეში განაცხადა, რომ DeFi-ის ბაზარზე დანაშაულთან დაკავშირებული ზარალი შვიდჯერ გაიზარდა და 10,5 მილიარდ დოლარს მიაღწია.

წყარო: https://bits.media/