Astrobotic და ბირჟა BitMEX ბიტკოინს მთვარეზე გაუშვებენ
ამერიკული კომერციული კოსმოსური კომპანია Astrobotic Technology წელს 1 BTC-ის შემცველი აპარატული საფულის მთვარეზე გაშვებას გეგმავს.
კომპანია, რომელიც პიტსბურგში მდებარეობს საკუთარ მოდულს NASA Commercial Lunar Payload-ის
ფასიანი სერვისის მეშვეობით უშვებს. გაშვება ა.წ IV კვარტალში იგეგმება. ინიციატივაში ჩართულია კრიპტობირჟა BitMEX – სწორედ ის გამოყოფს ბიტკოინს საკუთარი მარაგიდან.
„საფულე Peregrine-1 ზე ტვირთის სახით იქნება განთავსებული და დაშვების ადგილზე მანამ იდება,
სანამ რომელიმე ენთუზიასტი მის ასაღებად მთვარეზე არ ჩაფრინდება. მისამართი საჯარო იქნება და
ყველას შეეძლება ბიტკოინის შემდგომი ბედისთვის თვალის გადევნება”- ნათქვამია ინიციატივის სპეციალურ საიტზე.
მისიის მომზადება უკვე რამდენიმე წელია მიმდინარეობს. მოცემულ მომენტში რამდენიმე ათეული გზავნილია
დარეგისტრირებული და მათგან 14 თავად NASA-ს ეკუთვნის.
„დიახ, ბიტკოინი ფაქტიურად მიფრინავს მთვარეზე. მოხარულები ვართ ამ ტვირთის გადაზიდვით და მისიის დაწყებას მოუთმენლად ველით.“- განაცხადა Astrobotic-ის აღმასრულებელმა დირექტორმა ჯონ ტორნტონმა (John Thornton).
საინტერესოა, რომ შემდეგ წელს ილონ მასკის (Elon Musk) კომპანია SpaceX მთვარეზე თანამგზავრ DOGE-1-ის გაშვებას აპირებს. მისიის ხარჯები DOGE-ს კრიპტოვალუტით იქნება დაფარული.
წყარო: https://bits.media
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)