SpaceX თანამგზავრის მთვარეზე გაშვებისთვის ანაზღაურებას DOGE-ში მიიღებს
კანადური კომპანია Geometric Energy Corp საკუთარი თანამგზავრის კოსმოსში გაშვებისთვის SpaceX-ს ანაზღაურებას DOGE-ში გადაუხდის. 40 კილოგრამიანი თანამგზავრის ორბიტაზე განთავსებას რაკეტა Falcon 9 2022 წელს უზრუნველყოფს.
„ეს მისია კრიპტოვალუტის დედამიწის ორბიტის ფარგლებს გარეთ გამოყენების დემონსტრირებას მოახდენს და კომერციულ კოსმოსურ გადაზიდვებს დაუდებს საფუძველს“- განაცხადა SpaceX-ის კომერციული ოპერაციაბის ვიცე-პრეზიდენტმა, ტომ ოჩინერომ (Tom Ochinero)
ინფორმაციას საკუთარ ტვიტერზე SpaceX-ის აღმასრულებელი დირექტორი, ილონ მასკი გამოეხმაურა. მისი განცხადებით, თანამგზავრის გაშვება 2022 წლის პირველ კვარტალში იგეგმება.
SpaceX launching satellite Doge-1 to the moon next year
– Mission paid for in Doge
– 1st crypto in space
– 1st meme in spaceTo the mooooonnn!!https://t.co/xXfjGZVeUW
— Elon Musk (@elonmusk) May 9, 2021
მასკი 2013 წელს ამოქმედებული Dogecoin-ის ცნობილი მხარდამჭერია. სოციალურ ქსელებში მისი აქტიურობის შედეგად DOGE ერთი წლის განმავლობაში თითქმის ასჯერ გაიზარდა და ზრდის ტემპით ბიტკოინს და ეთერიუმსაც გაუსწრო.
Dogecoin-ით გადახდის შესაძლებლობა ბევრმა კომპანიამ დაამატა. მათ შორის არიან ერთ-ერთი უმსხვილესი ამერიკული ონლაინ რითეილერი Newegg და ავიაკომპანია AirBaltic. DOGE-ს კურსის უეცარმა ზრდამ აპლიკაცია Robinhood-ის სისტემის ნაწილი გამოიყვანა მწყობრიდან, რადგან პლატფორმამ DOGE-ს შეძენის მსურველების შემოტევას ვერ გაუძლო.
წყარო: https://bits.media
SpaceX თანამგზავრის მთვარეზე გაშვებისთვის ანაზღაურებას DOGE-ში მიიღებს
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)