BitFuFu-ს დანადგარები ყაზახეთიდან შტატებში გადააქვს

BitFuFu-ს დანადგარები ყაზახეთიდან შტატებში გადააქვს

ყაზახეთში მაინერებისთვის ელექტროენერგიის მიწოდების შეზღუდვის შედეგად დანადგარების მუშაობის შეფერხების გამო BitFuFu-მ დიდი ზარალი განიცადა.

ამიტომ კომპანიამ ეტაპობრივად შეერთებულ შტატებში გადაბარგება გადაწყვიტა.

კომპანიამ BitFuFu, რომელიც მაინინგისთვის საჭირო დანადგარების გაქირავებას ეწევა, ნოემბერში ელექტროენერგიის ნაკლებობის გამო იძულებული გახდა ASIC მაინერების ნაწილი გამოერთო. შეფერხების შედეგად, კომპანიამ მნიშვნელოვანი ზარალი განიცადა.

ელექტროენერგიის გათიშვის მიზეზი ყაზახეთის ხელისუფლების მიერ მაინერებისთვის ელექტროენერგიის მიწოდების რაციონირების შემოღება გახდა.

ქვეყნის მთავრობამ ენერგეტიკული კრიზისის მიზეზით მიწოდება დატა ცენტრებასაც შეუზღუდა.

კომპანიამ თავისი ობიექტების შეერთებულ შტატებში გადატანა გადაწყვიტა.

ამიტომ, მაინერების მწარმოებელ Bitmain-ს ახალი აღჭურვილობის მიწოდება ჩრდილოეთ ამერიკის ერთ-ერთ შტატში შეუკვეთა. აღჭურვილობა განბაჟდა და მადლიერების დღის გამო დატა ცენტრში დაგვიანებით განთავსდა.

ინვესტორების ნაწილი უკმაყოფილებას გამოხატავს, კომპანიისგან ზარალის კომპენსაციას ითხოვს და კონკურენტებთან გადასვლით იმუქრება. თუმცა უმრავლესობა სიტუაციას იაზრებს და კომპანიას არ ადანაშაულებს.

BitFuFu-მ პრობლემა აღიარა და 14 ოქტომბერს გამოაცხადა, რომ კომპენსაციის სახით მომხმარებელთა კონტრაქტებს გაახანგრძლივებს.

კომპანია ყაზახეთში აღჭურვილობის გაყიდვის შესაძლებლობას განიხილავს.

გასულ თვეში მაინინგ კომპანია Xive-ის დამფუძნებელმა განაცხადა, რომ კრიპტოვალუტის მაინერები სამხრეთ ყაზახეთში ელექტროენერგიის დეფიციტის გამო სიმძლავრეების რუსეთსა და შეერთებულ შტატებში გადატანას ახორციელებენ.

ეს ყველაფერი  ყაზახეთის ენერგეტიკის სამინისტროს განაცხადების ფონზე ხდება, სადაც ნათქვამია,

რომ ხელისუფლება  „თეთრი“ მაინინგ მეურნეობების საქმიანობას არ შეზღუდავს და ზომებს ქვეყანაში არალეგალურად მომუშავე მაინერების წინააღმდეგ მიიღებს.

ყაზახეთის პარლამენტის წარმომადგენლების განცხადებით, ენერგეტიკული კრიზისის მოგვარება და კრიპტოვალუტების მოპოვების რეგულირება მხოლოდ ყველა სახელმწიფო ორგანოს ქმედებების კოორდინაციით არის შესაძლებელი.  მაინერების ენრგეტიკულ კრიზისისში დადანაშაულება პრობლემის დაძლევას ხელს არ შეუწყობს, საჭიროა ახალი კანონი.