Cardano-ს დეველოპერებმა Alonzo-ს ვერსია აამოქმედეს

Cardano-ს დეველოპერებმა Alonzo-ს ვერსია აამოქმედეს

Alonzo-ს პირველი სატესტო ვერსია, რომელიც Cardano-ს ბლოკჩეინზე ჩაეშვა, სექტემბრისთვის დაგეგმილი სმარტ კონტრაქტების ფუნქციის გააქტიურების მორიგი ნაბიჯია.

Cardano-ს დეველოპერების განცხადებით, სატესტო ქსელი Alonzo Blue წარმატებით ამოქმედდა და
ჯერ მხოლოდ პულის სტეიკინგის შეზღუდული რაოდენობის ოპერატორებისთვის, პროგრამა Plutus-ის
მონაწილეებისთვის და ასევე რამდენიმე პარტნიორისთვის იქნება ხელმისაწვდომი. 

Plutus-ის სმარტ კონტრაქტების ასამოქმედებლად, რომლებიც დეცენტრალიზებული ფინანსური აპლიკაციების
ფართო სპექტრით სარგებლობის შესაძლებლობას იძლევა, ბლოკჩეინის დეველოპერებმა მნიშვნელოვან პროგრესს მიაღწიეს.
Cardano-ს ბლოკჩეინზე ჰარდფორკ Alonzo-ს ამოქმედების წინამორბედი გეგმის მიხედვით, განახლება აგვისტოში უნდა
ყოფილიყო გააქტიურებული. თუმცა, როგორც IOHK-ის აღმასრულებელმა დირექტორმა, ჩარლზ ჰოსკინსონმა ადრე განაცხადა,
გასათვალისწინებელი იყო შესაძლო შეფერხებები .

Alonzo-ს ამოქმედების განახლებული გეგმის მიხედვით, სმარტ კონტრაქტები ძირითად ქსელში სექტემბერში უნდა ჩაეშვას.
90 დღიანი მოსამზადებელი პერიოდი სამ შუალედურ ფაზას – Alonzo Blue-ს, Alonzo White-ს და Alonzo Purple-ს აერთიანებს.
მომდევნო მოსამზადებელ ეტაპებზე მეტი მომხმარებლის მოზიდვა და ქსელის პროდუქტიულობის გამოცდა იგეგმება.

Cardano-ს დეველოპერებმა Alonzo-ს ვერსია აამოქმედეს

წყარო: https://bits.media