CBDC ამოქმედების შემდეგ ბანკები საჭირო აღარ იქნება
„ბანკები საჭირო აღარ იქნება“- Ernst&Young ბანკებს ურჩევს სახელმწიფო კრიპტოვალუტების (CBDC) შემოდინებისთვის მოემზადონ.
მსოფლიოს ერთ-ერთმა უმსხვილესმა აუდიტორულმა კომპანიამ Ernst&Young კომერციულ ბანკებს რეკომენდაცია მისცა სტეიბლკოინების და სახელმწიფო კრიპტოვალუტების (CBDC) ბაზარზე მასობრივი შემოსვლისთვის მოემზადონ.
2022 წლის მოხსენებაში სახელწოდებით „გლობალური მარეგულირებელი პრაქტიკის მიმოხილვა 2022“ Ernst&Young – ის აუდიტორები წერენ, რომ თუ ფინანსური მომსახურების პროვაიდერ კომპანიებს ციფრული აქტივების გავრცელების შედეგებთან გამკლავება სურთ, პოლიტიკა უნდა შეცვალონ. მათი აზრით, ბანკებმა კლიენტების შესანარჩუნებლად სწორედ ახლა უნდა იმოქმედონ.
„თუ კლიენტები სახელმწიფო კრიპტოვალუტების მეშვეობით დანაზოგის ნდობას პირდაპირ ცენტრალური ბანკებისთვის შეძლებენ, მათ კომერციული ბანკები აღარ დასჭირდებათ. ფინანსური ორგანიზაციების შემოსავალი და მარჟა მნიშვნელოვნად შემცირდება.“- მიაჩნიათ მოხსენების ავტორებს.
აუდიტორული კომპანია კომერციულ ბანკებს რეგიონალურ და ეროვნულ მარეგულირებელ ორგანოებთან უფრო მჭიდროდ თანამშრომლობას ურჩევს.
სახელმწიფო კრიპტოვალუტას შეუძლია ფიატური ვალუტა მთლიანად ჩაანაცვლოს, ამიტომ ბანკირებმა CBDC-სთან და სტეიბლკოინებთან მუშაობის შესაძლებლობები წინასწარ უნდა გამოიკვლიონ.
„რეგულირების ზოგადი მიმართულების გააზრებით ფინანსური ორგანიზაციები საჭირო ნაბიჯების გადადგმას შეძლებენ, რათა მომავალი ცვლილებებისთვის მოემზადონ.“- ფიქრობენ Ernst&Young-ის ანალიტიკოსები.
მანამდე კი გავრცელდა ინფორაცია, რომ გადახდების გიგანტი Visa და ConsenSys CBDC-ის ყოველდღიური გადახდებისთვის გამოყენების შესაძლებლობაზე მუშაობენ.
წყარო: https://bits.media
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)