ჩინეთში მაღალჩინოსანს მაინინგისთვის სიკვდილით დასჯიან

ჩინეთში მაღალჩინოსანს მაინინგისთვის სიკვდილით დასჯიან

ძიანგსის პროვინციის მმართველის მოადგილე სამაინინგო კომპანიის საქმიანობაში თანამონაწილეობის გამო სახელმწიფო სამსახურიდან გაათავისუფლეს და გაასამართლეს.

ძიანგსის პროვინციის მაღალჩინოსანს, სიაო ის, ბრალად პარტიული დისციპლინისა და კრიპტოვალუტის გამოყენებით ნებისმიერი ბიზნეს ოპერაციის აკრძალვის დარღვევა ედება.

დისციპლინური ინსპექციისა და სახელმწიფო ზედამხედველობის ცენტრალური კომისიის დასკვნაში მას ბრალი  კორუფციასა და ძიანგის პროვინციაში სამაინინგო საწარმოების მშენებლობასა და მხარდაჭერისთვის უფლებამოსილების ბოროტად გამოყენებაში წაუყენეს. 

„სიაო იმ დაარღვია პოლიტიკური და ორგანიზაციული დისციპლინა, პარტიის შრომითი და ცხოვრების წესი, ეჭვმიტანილი იყო მოსყიდვასა და ძალაუფლების გადამეტებაში.“- ნათქვამია ცენტრალური კომისიის ვებსაიტზე.

ცენტრალური კომისიის მუდმივმა კომიტეტმა სიაო ის ჩინეთის კომუნისტური პარტიიდან გარიცხვისა და ყველა სამთავრობო თანამდებობიდან დათხოვნის შესახებ გადაწყვეტილება დაამტკიცა. მას ქონება ჩამოერთვა და საქმე პროკურატურას გადაეცა.

ვინაიდან სიაო ი საჯარო მოხელეს წარმოადგენს, გარდა ქონების კონფისკაციისა, შესაძლოა სასამართლოს გადაწყვეტილებით მას სასჯელის უმაღლესი ფორმა – სიკვდილით დასჯა მიესაჯოს.

სასამართლოს ეს განაჩენი შეუძლია იმ შემთხვევაში გამოიტანოს, თუ სიაო ის დანაშაული შეფასდება როგორც ეროვნული და საზოგადოებრივი ინტერესებისთვის სერიოზული ზიანის მიყენება.

აღმოფხვრის თუ არა მაღალჩინოსნის საქმე კორუფციას ჩინეთის მომაკვდავ კრიპტოვალუტის ინდუსტრიაში ის კითხვაა, რომელსაც ერთმნიშვნელოვანი პასუხი არ გააჩნია.

თუმცა, ეს უდავოდ იქნება ყველაზე მკაცრი პრევენციული ღონისძიება, რომელიც  კრიპტოვალუტების სამყაროსთან კონტაქტის ყოველგვარ სურვილს გააქრობს.

წყარო: https://bits.media

ჩინეთში მაღალჩინოსანს მაინინგისთვის სიკვდილით დასჯიან