ჩინეთში აკრძალვები კრიპტოვალუტების დეცენტრალიზაციას შეუწყობს ხელს

ჩინეთში აკრძალვები კრიპტოვალუტების დეცენტრალიზაციას შეუწყობს ხელს

საინვესტიციო კომპანია IBC Group-ის თავმჯდომარის, მურაჰ შროფის აზრით მაინერების ჩინეთიდან გადასვლა
კრიპტოვალუტების დეცენტრალიზაციას შეუწყობს ხელს.

ბოლო პერიოდში ჩინეთმა კრიპტოვალუტებთან მიმართებაში ზომები გაამკაცრა. ქვეყანაში აიკრძალა მაინინგი და დარეგისტრირებულ
სამაინინგო ფერმებსაც კი შეუწყდათ ელექტროენერგიის მიწოდება. ამის გამო, მაინერები იძულებულები გახდნენ მოწყობილობები ქვეყნიდან გაეტანათ.

სამაინინგო კომპანიებს შორის აღმოჩნდა დუბაიში დაფუძნებული IBC Group-იც, რომელიც ჩინეთში ბიტკოინისა და ეთერიუმის მოპოვებით  იყო დაკავებული.
კომპანია კანადაში გადავიდა და სამაინინგო საქმიანობის გაფართოებას არაბეთის გაერთიანებულ ემირატებში, კანადაში, ყაზახეთში, ისლანდიასა და სამხრეთ
ამერიკის რამდენიმე ქვეყანაში გეგმავს. BC Group-ის წარმომადგენელი და iMining-ის ხელმძღვანელი მიიჩნევს, რომ ეს მხოლოდ დროებითი დისკომფორტია.
მისი აზრით, სამაინინგო ფერმების „გაფანტვა“ სხვადასხვა ქვეყნების ტერიტორიაზე  მთელი კრიპტოვალუტის სამყაროსთვის სასიკეთო მოვლენაა.

„სამაინინგო სიმძლავრეების ჩინეთიდან კანადაში გადატანა ამ ქვეყნისთვის დიდ შესაძლებლობებს შექმნის. ამას გარდა, ტორონტოს საფონდო ბირჟაზე
ცოტა ხნის წინ ბიტკოინზე მსოფლიოში პრველი ETF დარეგისტრირდა, ამიტომ კანადამ კრიპტოვალუტების განვითარების კუთხით ბევრ ქვეყანას გაუსწრო.“- თქვა შროფმა

2

დარგის ბევრი ექსპერტი მიიჩნევს, რომ ჩინეთის შემზღუდველმა ზომებმა მაინერები „შეარყია“, ამიტომ სხვა იურისდიქციებში გადასვლისას მათ შესაძლოა
გარკვეული სირთულეები შეხვდეთ. მეორეს მხრივ, მაინერების გაფანტვა მთელი მსოფლიოს მასშტაბით მაინინგისა და ზოგადად კრიპტოვალუტების დეცენტრალიზაციას ხელს შეუწყობს.

მაგალითად, ცოტახნის წინ Galaxy Digital-ის აღმასრულებელმა დირექტორმა, მაიკლ ნოვოგრაცმა (Michael Novogratz) განაცხადა, რომ გრძელვადიან პერსპექტივაში მაინინგის აკრძალვა ბიტკოინს მხოლოდ გაამყარებს. ასევე, კრიპტოვალუტის ბირჟა Gemini-ს ყოფილი უსაფრთხოების ინჟინერის, ბრენდონ არვანაგის (Brandon Arvanaghi) განცხადებით, ბიტკოინის მიმართ მარეგულირებლების მკაცრი ზომები მხოლოდ იმას ამტკიცებს რომ ის შეუფერხებლად მუშაობს. მან ჩინეთში შექმნილი სიტუაცია ვიდეოთამაშს შეადარა, სადაც მარეგულირებლები და ჰეშრეითის ვარდნა „ბოსები“ არიან, რომლებიც ბიტკოინს საბოლოო გამარჯვების გზაზე წინ აღუდგნენ. თუმცა,
არვანაგის აზრით, ადრე თუ გვიან ბიტკოინი დაგროვების საშუალებად საყოველთაოდ იქნება აღიარებული.

„მალე სიმდიდრე ბიტკოინის საზომით გაიზომება, კრიპტოვალუტების ვოლატილობა კი ერთგვარი გადასახადია, რომელსაც ადამიანები„ სწორ მხარეს“ დგომისთვის გადაიხდიან.“ – აღნიშნა არვანაგიმ.

კემბრიჯის უნივერსიტეტისა და ენერგეტიკის საერთაშორისო სააგენტოს (IEA) მკვლევარებმა  განაცხადეს, რომ ჩინეთში მაინინგის აკრძალვამ ნახშირბადის გამონაბოლქვის შემცირება გამოიწვია და შემდგომში ბიტკოინის მოპოვება უფრო ეკოლოგიური გახდება.

წყარო: https://bits.media

ჩინეთში აკრძალვები კრიპტოვალუტების დეცენტრალიზაციას შეუწყობს ხელს