Digivault კრიპტოაქტივების შენახვაზე ლიცენზია მოიპოვა
დიდი ბრიტანეთის ფინანსური ქცევის მარეგულირებელმა ორგანომ (FCA) სერვისს Digivault ქვეყნის ტერიტორიაზე ციფრული აქტივების შენახვის მომსახურების გაწევის ლიცენზია მისცა.
Digivault ფირმა Diginex-ის ქვეგანყოფილებას წარმოადგენს, რომელიც კრიპტოვალუტებთან და ბლოკჩეინთან მუშაობს. სერვისი მოიცავს
ციფრული აქტივების ცივ შენახვას ფიზიკურ საცავებში, რომლებიც უსაფრთხოებაზე სპეციალიზირებულ ჰონკონგურ ფირმას, Malca-Amit-ს ეკუთვნის.
Digivault-ის აღმასრულებელი დირექტორის, რობ კუპერის (Rob Cooper) განცხადებით, კუსტოდიალურ მომსახურებაზე FCA-ს ლიცენზიის
მოპოვება ნიშნავს იმას, რომ სერვისი ფულის გათეთრებისა და ტერორიზმის დაფინანსების წინააღმდეგ ბრძოლის ზედამხედველობის სამსახურის
(AML) წესების შესაბამისად მუშაობს.
„FCA ლიცენზიის მიღება – კარგი სიახლეა არა მხოლოდ Digivault-ისთვის, არამედ მთელი კრიპტოვალუტების ინდუსტრიისთვის. ჩვენი შემთხვევა გახდა პრეცედენტი. მარეგულირებლებმა ახალი კლასის აქტივების მხარდაჭერა დაიწყეს, რაც კრიპტოვალუტების ბაზარზე დიდი კომპანიების ინვესტიციების მოდინებას შეუწყობს ხელს.“- თქვა კუპერმა
ბოლო თვეების განმავლობაში FCA-მ კრიპტოვალუტების ფირმების მიმართ მოთხოვნები გაამკაცრა. მარტიდან მათ ფინანსურ დანაშაულებათა შესაძლო რისკების შესახებ ყოველწლიური ანგარიშის წარდგენა დაევალათ. გარდა ამისა მარეგულირებელმა კრიპტოვალუტის დერევატივების საცალო ინვესტორებზე გაყიდვა აკრძალა. აკრძალვა ძალაში ა.წ იანვრიდან შევიდა.
წყარო: https://bits.media
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)