ევროკავშირი კრიპტოვალუტების გადარიცხვას ართულებს

ევროკავშირი კრიპტოვალუტების გადარიცხვას ართულებს

ევროკომისია კრიპტოვალუტების ანონიმური გადარიცხვების აკრძალვას და იმ ტრანზაქციების გაკონტროლებას აპირებს, რომლებიც 1000 ევროს აღემატება. 

მომზადებულია ევროკავშირის რეგლამენტის პროექტი, რომელიც კრიპტო აქტივების გადამხდელების და მიმღებების, გამგზავნებისა და ბენეფიციარების
შესახებ ინფორმაციის მოპოვებისა და შენახვის წესებს ადგენს.

რეგლამენტით ფულის გათეთრებისა და ტერორიზმის დაფინანსების ფაქტების აღმოსაჩენად, გამოსაძიებლად და თავიდან ასაცილებლად იმ შემთხვევაში
იხელმძღვანელებენ, თუ ტრანზაქცია ევროკავშირის ტერიტორიაზე განხორციელდა ან თუ გადარიცხვაში მონაწილე ან შუამავალი ევროკავირის ტერიტორიაზე იმყოფება.

„დღევანდელი შესწორებები კრიპტოაქტივების სრულ მიკვლევადობას უზრუნველყოფს და მათი ფულის გათეთრებისთვის ან ტერორიზმის დაფინანსებისთვის
შესაძლო გამოყენების დადგენისა და აღკვეთის შესაძლებლობას მოგვცემს.“- განაცხადა ევროკომისიამ.

ევროკავშირის დამატებითი მოთხოვნები შეეხება გადარიცხვებს ან გადარიცხვების სერიას რომელთა ჯამი 1000 ევროს აღემატება.

ყველა გადარიცხვას უნდა ახლდეს გამომგზავნის  სახელი და ანგარიშინ ნომერი, მისამართი, პირადი საიდენტიფიკაციო ნომერი ან დაბადების თარიღი და ადგილი.

რეგლამენტი ფინანსური მომსახურების მომწოდებლებს ავალდებულებს უზრუნველყონ კონტროლის ეფექტური პროცედურები გადარიცხვის შემდგომი მონიტორინგის ან რეალურ დროში მონიტორინგის ჩათვლით.

იმის გამო, რომ დანაშაულის გამოძიების დროს ხშირად შეუძლებელია ტრანზაქციაში მონაწილე პირებზე საჭირო ინფორმაციის ოპერატიულად მოძიება, საგადახდო სერვისები ვალდებული იქნებიან ტრანზაქციის შესახებ ინფორმაცია 5 წლის განმავლობაში შეინახონ. განიხილება ანონიმური საფულეების აკრძალვა.

შესატანი ცვლილებების შესახებ საბოლოო სიტყვა ევროპარლამენტს ეკუთვნის. განხილულმა ცვლილებემა კანონის სახე შესაძლოა ორი წლის ვადაში მიიღოს.

წყარო: https://bits.media

ევროკავშირი კრიპტოვალუტების გადარიცხვას ართულებს