Google-მა თაღლითური კრიპტო სავაჭრო აპლიკაციების დეველოპერებს უჩივლა

Google-მა თაღლითური კრიპტო სავაჭრო აპლიკაციების დეველოპერებს უჩივლა

ამერიკულმა კომპანიამ Google ორი დეველოპერის წინააღმდეგ, რომელთაგან ერთი ჩინეთიდანაა, ხოლო მეორე ჰონკონგიდან, სასამართლოში სარჩელი შეიტანა. დეველოპერები კრიპტოვალუტების ინვესტიციებისთვის განკუთვნილ აპლიკაციებს Google Play Store-ში ათავსებდნენ.

Google-ის წარმომადგენლების თქმით, დეველოპერებმა 2019 წლიდან მოყოლებული სულ 87 პროგრამა განათავსეს. თაღლითური აპლიკაციები 100 000-ზე მეტმა ადამიანმა ჩამოტვირთა. საჩივრების მიხედვით, მომხმარებელთა ფინანსურმა ზარალმა 100-დან ათიათასობით დოლარამდე შეადგინა. Google-ის განაცხადებით, Play Store-ზე აპლიკაციების დახურვა მაშინვე მოხდა, როგორც კი გაირკვა, რომ ისინი თაღლითური იყო. ზარალი თავად კომპანიასაც მიადგა. გარდა რეპუტაციის შელახვისა, მან 75 000 დოლარი იზარალა.

„ამ სასამართლო პროცესმა მსგავსი ბოროტმოქმედების ყურადღება უნდა მიიქციოს. ჩვენ საჯაროდ ვაცხადებთ, რომ მკაცრად გავუსწორდებით ყველას, ვინც ჩვენი მომხმარებლებისგან სარგებლის მიღებას შეეცდება“ – განაცხადა Google-ის გენერალურმა მრჩეველმა ჰალიმა დელეინ პრადომ (Halimah DeLaine Prado).

კრიპტოვალუტით ვაჭრობის აპლიკაციები Play Store-ზე ლეგიტიმურ საინვესტიციო პროექტების შთაბეჭდილებას ტოვებდა. ყალბი აპების რეკლამირება YouTube არხების მეშვეობით ხდებოდა.

2023 წლის ზაფხულზე Google Play-მ პოლიტიკის მნიშვნელოვანი ცვლილებების შესახებ გამოაცხადა, რომელიც დეველოპერებს საშუალებას მისცემს Play Store-ზე ანგარიშსწორებისთვის ციფრული აქტივები, მათ შორის NFT-ები დაამატონ.