ჰაკერების ჯგუფი Anonymous ჩინეთის და ილონ მასკის წინააღმდეგ ბრძოლას ახალი ტოკენით აპირებს

ჰაკერების ჯგუფმა Anonymous ვიდეო გამოაქვეყნა, სადაც ახალი ტოკენის – Anon Inu-ს მეშვეობით ილონ მასკს „მემეთა ომს“, ხოლო ჩინეთს
„კრიპტოვალუტების ომს“ უცხადებს.

ახალი ვიდეო Anonymous-ის წევრებმა ჩინეთის მიერ ციფრული იუანის გამოშვების გეგმებსა და მის ამკრძალავ პოლიტიკას მიუძღვნეს,
რომელიც მაინერებზე და კრიპტოვალუტის ინდუსტრიაზე ზეგავლენას ახდენს. ჰაკერების განცხადებით, სწორედ ესაა ის ფაქტორები, რომლებიც
ბიტკოინის ვოლატილობის მიზეზი გახდა. თუმცა, ვიდეოში SpaceX-ისა და Tesla-ს დამფუძნებელი, მილიარდერი ილონ მასკიცაა ნახსენები.

„ჩინეთი მაინერებისთვის მიმზიდველი ადგილი იყო იმის გამო, რომ ელექტროენერგია იაფი იყო, განსაკუთრებით შორეულ რეგიონებში, რომლებიც ჰიდროელექტროსადგურებთან ახლოსაა. ამ დრომდე ჩინეთი მაინერებს ქვეყანაში მუშაობის უფლებას სიამოვნებით აძლევდა, მაგრამ ახლა მთავრობა ციფრული იუანის ამოქმედებას გეგმავს და ქვეყნის ფარგლებში სხვა რომელიმე კონკურენტი კრიპტოვალუტით სარგებლობის შესაძლებლობას აღარ იძლევა.“ – აცხადებენ ჰაკერები.

Anonymous-ის განცხადებით, ისინი ილონ მასკთან და ჩინეთთან ბრძოლას საკუთარი ტოკენის – DeFi Anon Inu-ს გამოყენებით აპირებენ. 

„მაისში BTC-ის ფასი მკვეთრად იმის გამო დაეცა, რომ მაინერები იძულებულნი გახდნენ ჩინეთიდან გადასულიყვნენ. ეს კი იმას ნიშნავს, რომ მათ
საკუთარი მონეტების გაყიდვა მოუწიათ ხარჯების დასაფარად. გამყდველების მოზღვავებამ ბაზრებზე დაღმასვლა გამოიწვია. იმის მიუხედავად, რომ
ჩინური რეპრესიები უშუალოდ ბიტკოინისკენ იყო მიმართული, უარყოფითი ზეგავლენა მთელ კრიპტოვალუტების ბაზარს შეეხო, რადგან ყველა
კრიპტოაქტივი ბიტკოინის ტრაექტორიას მიყვება.“

DeFi Anon Inu ჩინეთისა და ილონ მასკისთვის წინააღმდეგობის გასაწევად შეიქმნა. ტოკენების მფლობელები რეგულარულად მიიღებენ უფასო ტოკენებს, NFT- ებსა და სხვა პრიზებს. ჰაკერები შემოსავლების ნაწილით ძაღლთა თავშესაფრებს დაეხმარებიან.

Anonymous-ის მაისში გამოქვეყნებულ ვიდეომიმართვაში, ჰაკერებმა Tesla-ს აღმასრულებელ დირექტორს ბრალი იმაში დასდეს, რომ მან თავისი ტვიტებით კრიპტოვალუტის ბაზარი შეარყია და კრიპტოვალუტების მფლობელებს „ცხოვრება დაუნგრია“.

წყარო: https://bits.media

ჰაკერების ჯგუფი Anonymous ჩინეთის და ილონ მასკის წინააღმდეგ ბრძოლას ახალი ტოკენით აპირებს