ისრაელის ბანკმა ბიტკოინის გაყიდვიდან მიღებული ფული არ მიიღო

ისრაელის ბანკმა ბიტკოინის გაყიდვიდან მიღებული ფული არ მიიღო

 ესთერ ფრიმენმა რვა წლის წინ ბიტკოინში 10000 შეკელი (3000$) დააბანდა, ამ დროის განმავლობაში მისი ბიტკოინების ფასი 900000 შეკელამდე (320000$) გაიზარდა.

თუმცა, ადგილობრივმა ბანკმა Hapoalim მათი გაყიდვიდან მიღებული თანხის მიღებაზე უარი თქვა.

69 წლის ფრიმენის განცხადებით, 2020 წლის ივლისში მას სურდა ერთ-ერთ შვილს ბინის შეძენაში დახმარებოდა. ქალმა ბიტკოინების  ფიატურ ვალუტაში კონვერტაცია გადაწყვიტა და აღმოაჩინა, რომ 8 წლის განმავლობაში მისი ბიტკოინის ანაბარი 100-ჯერ გაიზარდა.

პენსიონერმა კრიპტოვალუტის კომპანიის Beats of Gold მეშვეობით ბიტკოინები 900 000 შეკელში გადაცვალა.

როდესაც ფრიმენმა ფულის  ბანკში შეტანა სცადა, ფინანსური ორგანიზაციისგან უარი მიიღო.

მოტივად ნაღდი ფულის შეტანა დასახელდა და ბანკის განმარტების თანახმად „არსებობდა რისკი, რომ ანაბარი ფულის გათეთრებისა და ტერორიზმის დაფინანსებისთვის გახსნილიყო“.

„ვირტუალური ვალუტების მახასიათებლები  მათი ანონიმურად და ზედამხედველობის გარეშე გადატანის საშუალებას იძლევა,

ხშირად ფინანსური ინსტიტუტების გვერდის ავლით და ამიტომ ისინი ფულის გათეთრებისა და ტერორისტული დაფინანსების წინააღმდეგ ბრძოლის ქვეშ ექცევიან.“

ქალი ბანკის გადაწყვეტილებას არ დაეთანხმა და თელ-ავივის რაიონულ სასამართლოში სარჩელი შეიტანა, რათა დაემტკიცებინა რომ ფული ბიტკოინის ზრდის წყალობით მიიღო.

ფრიმენის თქმით, ის და მისი ოჯახი მრავალი წელია Hapoalim Bank-ის კლიენტები არიან. ბანკისთვის ცნობილია ოჯახის ყველა ფინანსური ტრანზაქცია.

სარჩელში ფრიმენი სასამართლოს სთხოვს, ბიტკოინის კურსის ზრდის შედეგად მიღებული 900 000 შეკელის საკუთარ ანგარიშზე გადარიცხვის უფლება მიეცეს. ფრიმანის ადვოკატის განცხადებით, მათ უკვე მოახერხეს საბანკო ანგარიშზე ნაღდი ფულის სახით 10000 შეკელის შეტანა.  მისი თქმით, უზენაესმა სასამართლომ უკვე დაადგინა, რომ კლიენტის მიერ კრიპტოვალუტის გამოყენებასთან დაკავშირებული ანაბრის შექმნა თავისთავად არ შეიძლება იყოს ფულის განთავსებაზე უარის თქმის მიზეზი.

ივლისში ისრაელის ფინანსთა სამინისტრომ გამოაქვეყნა კანონპროექტი, რომელიც ავალდებულებს ინვესტორებს აცნობონ საგადასახადო ორგანოებს 61000 დოლარის ღირებულებაზე მეტი კრიპტოვალუტის ქონის შესახებ. 16 ნოემბერს ისრაელმა ფულის გათეთრებისა და ტერორიზმის დაფინანსების წინააღმდეგ ბრძოლისთვის ახალი წესები შემოიღო.

წყარო: https://bits.media

ისრაელის ბანკმა ბიტკოინის გაყიდვიდან მიღებული ფული არ მიიღო