ლუკაშენკომ მაინინგისკენ მოუწოდა მოსახლეობას

ლუკაშენკომ ემიგრაციაში წასვლის ნაცვლად მაინინგისკენ მოუწოდა მოსახლეობას

ბელორუსიის პრეზიდენტმა ალექსანდრე ლუკაშენკომ ქვეყნის მოსახლეობას ჭარბი ელექტროენერგიის გამოყენებით კრიპტოვალუტების მაინინგისკენ მოუწოდა.

პრეზიდენტმა ალექსანდრე ლუკაშენკომ ხალხს ემიგრაციაში წასვლისა და პოლონეთსა და გერმანიაში სოფლის
მეურნეობის სფეროში დაბალანაზღაურებადი ადგილების შევსების ნაცვლად საკუთარ ქვეყანაში დარჩენა ურჩია.
ქვეყნის ლიდერმა მოქალაქეებს ალტერნატიული შემოსავლის წყაროდ მაინინგი შესთავაზა, რადგანაც ბელორუსიაში კრიპტოვალუტების მაინინგისთვის საკმარისი
ელექტროენერგიაა და საკმარისად არის მიტოვებული ობიექტებიც,
რომელთა გამოყენებაც ფერმების მოსაწყობად არის შესაძლებელი.

ლუკაშენკომ განაცხადა:

„უნდა გვესმოდეს, რომ არსად გველიან. და თუ გველიან, მხოლოდ პლანტაციებზე. ბოლოს და ბოლოს დაიწყეთ კრიპტოვალუტის, თუ რაც ჰქვია, მაინინგი. ელექტროენერგია ქვეყანაში საკმარისი გვაქვს.“

ბელორუსმა კრიპტოვალუტებთან დაკავშირებული ბიზნესის, მათ შორის მაინინგის ლეგალიზება პრეზიდენტის ბრძანებით მოახდინა, რომელიც ძალაში 2018 წლის მარტში
შევიდა. 2019 წლის აპრილში ლუკაშენკოს მხრიდან გაკეთდა შეთავაზება, რომ ლიტვის საზღვართან მდებარე გროდნენსკის ოლქის ატომურ ელექტროსადგურზე სამაინინგო
ფერმები აეშენებინათ და ელექტროსადგურის მიერ წარმოებული ჭარბი ელექტროენერგიის გამოყენება მოეხდინათ. გასული წლის ნოემბერში ქვეყნის უმსხვილესმა საბანკო
დაწესებულებამ – ბელორუსბანკმა აამოქმედა სერვისი, რომელიც მომხმარებლებს VISA ბარათის მეშვეობით კრიპტოვალუტების ყიდვისა და გაყიდვის შესაძლებლობას აძლევს. 

კრიპტოვალუტების მაინინგისკენ ლუკაშენკოს მოწოდება მოჰყვა ბელორუსიის მთავრობის მრავალრიცხოვან მცდელობას
შეეღწია მაინინგის მზარდ ინდუსტრიაში და გარკვეულწილად არაპირდაპირი პასუხი გახდა ბელორუსიაში სამრეწველო საწარმოების წინააღმდეგ სანქციების დაწესებაზე.

წყარო: https://bits.media

ლუკაშენკომ ემიგრაციაში წასვლის ნაცვლად მაინინგისკენ მოუწოდა მოსახლეობას