MetaMask-ის მომხმარებლების რაოდენობა 5 მილიონამდე გაიზარდა
კომპანიამ ConsenSys, რომელიც ეთერიუმის პოპულარულ საფულე MetaMask-ს ფლობს, ანგარიში გამოაქქვეყნა, რომლის მიხედვით პროგრამით ყოველთვიურად 5 მილიონი ადამიანი სარგებლობს. კომპანიის აქტიური მომხმარებლების რიცხვი ბოლო ექვსი თვის მანძილზე ხუთჯერ არის
გაზრდილი, რასაც ხელი დეცენტრალიზებული ფინანსირების (DeFi) სფეროს განვითარებამ და საკოლექციო ტოკენების (NFT) ბუმმა შეუწყო ხელი.
მომხმარებლებს შორის განსაკუთრებული პოპულარობა MetaMask Swap-ის ფუნქციამ მოიპოვა, რომელიც გასული წლის ოქტომბერში ამოქმედდა და დეცენტრალიზებულ ბირჟებზე, აგრეგატორებსა და პროტოკოლებზე ტოკენების გადაცვლის შესაძლებლობას პირდაპირ საფულედან იძლევა.
პოპულარობის კუთხით მეორე ადგილი NFT-სთან მუშაობის შესაძლებლობას ერგო.
უნდა აღინიშნოს, რომ MetaMask-მა განსაკუთრებული პოპულარობა განვითარებად ქვეყნებში მოიპოვა. მომხმარებლები ინდონეზიასა და
ინდოეთიდან ტოპ ხუთეულში შევიდნენ, ვიეტნამისა და ნიგერიის მაცხოვრებლები კი ათეულში. ამასთან მომხმარებლების უმეტესი ნაწილი
საფულის მობილურ ვერსიას იყენებს.
„განვითარებად ქვეყნებში ადამიანები MetaMask-ს დამატებითი შემოსავლის მისაღებად და ასევე გრძელვადიანი ინვესტიციებისთვის სულ უფრო ხშირად იყენებენ. ბევრ მათგანს არ აქვს წვდომა ადგილობრივ საბანკო სისტემასთან, ამიტომ მათ დაგროვებისთვის ალტერნატივა სჭირდებათ.“- ნათქვამია ანგარიშში
წყარო: https://bits.media
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)