ნიდერლანდებმა კრიპტოვალუტები უნდა აკრძალონ-პიტერ ჰასეკამპი

ნიდერლანდებმა კრიპტოვალუტები უნდა აკრძალონ-პიტერ ჰასეკამპი

ნიდერლანდების ცენტრალური დაგეგმვის ბიუროს (CPB) დირექტორი, პიტერ ჰასეკამპი (Pieter Hasekamp)
დარწმუნებულია, რომ კრიპტოვალუტების კრახი გარდაუვალია. ის ნიდერლანდების მთავრობას ბიტკოინის
და სხვა კრიპტოვალუტების დაუყოვნებლივ აკრძალვისკენ მოუწოდებს.

კრიპტოვალუტებთან დაკავშირებით ჰასეკამპის კრიტიკული მოსაზრებები გამომცემლობა
Het Financieele Dagblad-ში გამოქვეყნდა. ის წერს, რომ ინვესტორების დასაცავად ნიდერლანდების
მთავრობამ კრიპტოვალუტებით ვაჭრობას, მაინინგსა და ციფრული ვალუტების დაგროვებასაც კი ბოლო უნდა მოუღოს.

ჰასეკამპის აზრით, კრიპტოვალუტების აკრძალვა ბიტკოინის და სხვა კრიპტოაქტივების ფასის ვარდნას
გამოიწვევს და კრიპტოვალუტის ბაზრებისთვის „დასასრულის მომასწავებელი იქნება.“

„ბოლოს და ბოლოს, ამ პროდუქტებს თავისთავად არანაირი ღირებულება არ გააჩნიათ და ყურადღებას მხოლოდ იმიტომ იქცევენ, რომ მათ სხვა ადამიანები ყიდულობენ.“-აღნიშნავს ის.

წლის დასაწყისში ნიდერლანდების ცენტრალურმა ბანკმა დააწესა მოთხოვნები, რომელთა მიხედვით კრიპტობირჟების მომხმარებლებს ციფრული აქტივების გამოსატანად მისამართების ვერიფიკაცია უნდა მოეხდინათ. აპრილში ეს მოთხოვნა გააუქმეს.

წყარო: https://bits.media

ნიდერლანდებმა კრიპტოვალუტები უნდა აკრძალონ-პიტერ ჰასეკამპი