ეთერიუმის PoS-ზე გადასვლა ვიდეობარათებზე მოთხოვნას შეამცირებს

Nvidia ეთერიუმის PoS-ზე გადასვლა ვიდეობარათებზე მოთხოვნას შეამცირებს
Nvidia-მ 2022 საფინანსო წლის პირველი კვარტალის შედეგების ანონსი წარადგინა. ანგარიშში აღნიშნულია, რომ ეთერიუმის
გადასვლა Proof-of-Stake-ზე ვიდეობარათებზე მოთხოვნას შეამცირებს.

2021 წლის პირველ კვარტალთან შედარებით Nvidia-ს მოგება 84%-ით გაიზარდა და 5.66 მილიარდს მიაღწია. აქედან 2.76
მილიარდი უშუალოდ სათამაშო განყოფილებიდან შემოვიდა. სათამაშო GPU-ს გაყიდვები 106%-ით გაიზარდა. ვიდეობარათების
დიდი ნაწილი ეთერიუმის მაინერებმა შეისყიდეს.

მაინერების მხრიდან ვიდეობარათებზე მოთხოვნა შესაძლოა მნიშვნელოვნად შემცირდეს – ამას ხელს უწყობს როგორც კრიპტოვალუტის
ბაზარზე არსებული საერთო მდგომარეობა, ისე „ცვლილებები კრიპტოვალუტების სტანდარტებში, მათ შორის ეთერიუმ 2.0-ზე გადასვლა.“

„GPU-ზე მოთხოვნა და მათი გამოყენება კრიპტოვალუტებისთვის წარსულში სწრაფად იცვლებოდა და სავარაუდოდ სწრაფ ცვლილებას განაგრძობს. კრიპტოვალუტის ბაზარზე არსებულმა ვოლატილობამ, მათ შორის კრიპტოვალუტების ფასის ცვლილებამ, შესაძლოა ჩვენი პროდუქტების მოთხოვნაზე დიდი გავლენა მოახდინოს. კრიპტოვალუტების სტანდარტების ცვლილებამ, მათ შორის ეთერიუმ 2.0-ზე გადასვლამ შესაძლოა მნიშვნელოვნად გაზარდოს ჩვენი ვიდეობარათების გაყიდვები მეორად ბაზარზე და შეამციროს მოთხოვნა ჩვენს ახალ პროდუქტებზე. 2022 ფინანსური წლის პირველ კვარტალში სათამაშო განყოფილება მაინერების მოთხოვნის გამო მოგებაზე გავიდა, მაგრამ რთულია იმის განსაზღვრა რა იქნება მომავალში.“- ნათქვამია ანგარიშში.

2021 წლის მაისში ეთერიუმის მაინერებმა რეკორდული თვიური შემოსავალი მიიღეს, რომელმაც 2 მილიარდ დოლარს გადააჭარბა.

 შეზღუდული ჰეშრეითის მქონე ვიდეობარათების Nvidia RTX 3080-ისა და 3070-ის ბაზარზე მიწოდება ამ თვის ბოლოსთვისაა დაგეგმილი, რამაც გრაფიკული ამაჩქარებლების დეფიციტი უნდა აღმოფხვრას.

წყარო: https://bits.media

Nvidia ეთერიუმის PoS-ზე გადასვლა ვიდეობარათებზე მოთხოვნას შეამცირებს