PayPal საკუთარი სტეიბლკოინის შექმნის შესაძლებლობას განიხილავს

PayPal საკუთარი სტეიბლკოინის შექმნის შესაძლებლობას განიხილავს

PayPal Holdings Inc. იკვლევს აშშ დოლარის მხარდაჭერის მქონე სტეიბლკოინის შექმნის შესაძლებლობას, რომელიც დიდი მასშტაბის გადახდებისთვის იქნება გამოყენებული და  მომხმარებლების უსაფრთხოებას უზრუნველყოფს.

პროგრამული უზრუნველყოფის დეველოპერმა სტივ მოზერმა (Steve Moser) iPhone-ის PayPal აპლიკაციაში დამალული კოდი და გამოსახულება აღმოაჩინა, რაც ადასტურებს, რომ გადახდის სისტემა მუშაობს სტეიბლკოინზე სახელწოდებით „PayPal Coin“. კოდის გაანალიზების შემდეგ, დეველოპერმა აღმოაჩინა, რომ ციფრულ აქტივს აშშ დოლარის მხარდაჭერა ექნება და მოპოვებული ინფორმაცია გამომცემლობა Bloomberg-ს გაუზიარა.

PayPal-ის კრიპტოვალუტის განყოფილების ვიცე-პრეზიდენტმა და ხელმძღვანელმა ხოსე ფერნანდეს და პონტემ (Jose Fernandez da Ponte) დაადასტურა, რომ კომპანია სტაბილური კრიპტოვალუტების შესაძლებლობებს  იკვლევს.

მისი თქმით, თუ PayPal ს სტეიბლკოინის გამოშვებას გადაწყვეტს, გადახდის სისტემა ამ საკითხზე მარეგულირებლებთან მჭიდროდ ითანამშრომლებს.

როგორც პონტი ამბობს „კომპანიას ჯერ არ უნახავს სტაბილური კრიპტოვალუტა, რომელიც სპეციალურად გადახდის ოპერაციების განხორციელებისთვის შეიქმნა.“

ამიტომ, სტეიბლკოინის PayPal-თან გამოყენებისთვის, ის ფართომასშტაბიანი გადახდებისთვის უნდა გამოიყენებოდეს და იცავდეს მომხმარებლებს.

ბოლო წლებში PayPal-მა კრიპტოვალუტებთან მუშაობა აქტირად დაიწყო. 2020 წელს PayPal-ის ამერიკელ მომხმარებლებს ციფრული აქტივების ყიდვის, გაყიდვისა და შენახვის შესაძლებლობა გაუჩნდათ.

გასული წლის აგვისტოში კი ეს ფუნქციები ხელმისაწვდომი დიდი ბრიტანეთის მოქალაქეებისთვისაც გახდა.

მანამდე, PayPal-ის აღმასრულებელმა დირექტორმა დანიელ შულმანმა (Daniel Schulman) განაცხადა, რომ სამომავლოდ კომპანია შესაძლოა მოსახლეობაში ცენტრალური ბანკების ციფრული ვალუტების გავრცელებით დაკავდეს. 

წყარო: https://bits.media/