პეკინის მთავრობა მაინერებს ენერგომოხმარებაზე ანგარიშის წარდგენას

პეკინის მთავრობა მაინერებს ენერგომოხმარებაზე ანგარიშის წარდგენას ავალდებულებს

ჩინეთის დედაქალაქის მთავრობა ქალაქის ენერგომოხმარებაზე მაინერების ზეგავლენას იკვლევს. ამის გამო პეკინში კრიპტოვალუტების
მოპოვებით დაკავებული ნებისმიერი დატაცენტრი ვალდებულია მუნიციპალურ სამსახურს ანგარიში ჩააბაროს.

პეკინის ეკონომიკისა და ინფორმაციული ტექნოლოგიების მუნიციპალური ბიუროს მიერ შედგენილი „საგანგებო წერილის“ თანახმად,
მაინინგით დაკავებული დატაცენტრები ვალდებულნი არიან წარადგინონ ანგარიში მაინინგის შედეგად მოხმარებული ენერგიის მოცულობაზე, და ამ ენერგიის
წილზე დატაცენტრის საერთო ენერგომოხმარებიდან.

როგორც ანონიმური წყარო იუწყება, ასეთი სახის წერილები ჩინეთის მინიმუმ სამ უმსხვილეს ტელესაკომუნიკაციო ოპერატორს გაეგზავნა. მიზეზები,
რის გამოც მთავრობამ საკითხის მოკვლევა გადაწყვიტა, უცნობია. უცნობია ისიც, ეხება თუ არა ინიციატივა მხოლოდ პეკინს, თუ ხელისუფლება მის ქვეყნის მასშტაბით განხორციელებას გეგმავს.

ცოტახნის წინ სინჯიანგის პროვინციაში ელექტროენერგიის მასიური გათიშვა მოხდა, რამაც სამაინინგო მოწყობილობების დიდი ნაწილის გამორთვა გამოიწვია. ბიტკოინის ქსელის ჰეშრეითი დაეცა, რასაც ბიტკოინის კურსის ვარდნა მოჰყვა. ქსელის ჰეშრეითი აღდგენილია, ბიტკოინის კურსი კი მაღალ ნიშნულზე დაბრუნებას ჯერ კიდევ ცდილობს.

როგორც ASIC მაინერების მწარმოებელი Canaan-ის პრეზიდენტმა, ედვარდ ლუმ (Edward Lu) განაცხადა, კომპანია სულ უფრო ხშირად ემსახურება
კლიენტებს კანადიდან, ჩრდილო ევროპიდან და ცენტრალური აზიიდან, რადგან ამ რეგიონებში ენერგომომარაგების პროგნოზირება ბევრად მარტივია, რეგულირება კი გამჭვირვალე. სამაინინგო კომპანია Blockcap-ის დამფუძნებელმა, დარინ ფანშტეინმა კი ცოტახნის წინ განაცხადა, რომ კრიპტოვალუტების მოსაპოვებლად მსოფლიოში საუკეთესო რეგიონი ტეხასის შტატია.

წყარო: https://bits.media