SEC კრიპტობირჟებზე ზედამხედველობის გაძლიერებას აპირებს  

SEC კრიპტობირჟებზე ზედამხედველობის გაძლიერებას აპირებს  

აშშ-ის ფასიანი ქაღალდებისა და ბირჟების კომისიის (SEC) თავმჯდომარემ გარი გენსლერმა კრიპტო ბირჟების მხრიდან მარეგულირებელთან თანამშრომლობის სურვილის არქონის გამო შეშფოთება გამოხატა.

ონლაინ კონფერენციაზე SEC-ის ხელმძღვანელმა იმედი გამოთქვა, რომ უახლოეს მომავლში კრიპტოვალუტის ბირჟები  აშშ-ს მარეგულირებელთან ეფექტური თანამშრომლობის დასამყარებლად ნაბიჯებს თავად გადადგამენ.

გენსლერი დარწმუნებულია, რომ სავაჭრო პლატფორმების აშშ-ს კანონმდებლობასთან შესაბამისობას მათი კლიენტებისთვის გადაწმწყვეტი მნიშვნელობა უნდა ჰქონდეს. 

მისი აზრით, კრიპტო ინვესტორები მხოლოდ რეგულატორის მიერ კრიპტოვალუტის პლატფორმების საგულდაგულო ზედამხედველობის შედეგად შეძლებენ მიიღონ ისეთი დაცვა, როგორსაც კერძო ინვესტორები აქციებით, ობლიგაციებით და სხვა ტრადიციული აქტივებით ვაჭრობისას იღებენ.

„მე SEC-ის თანამშრომლებს ვთხოვე, განიხილონ ყველა გზა, რომლითაც ამ პლატფორმების ინვესტორების დაცვის სფეროში ჩართვა შეიძლება მოხდეს.

თუ სავაჭრო პლატფორმები რეგულირებად სივრცეს არ შეუერთდებიან, ეს ფართო საზოგადოებისთვის საფრთხის შემცველი კიდევ ერთი წელიწადი იქნება.“

ფასიანი ქაღალდებისა და ბირჟის კომისია (SEC),  მისი თავმჯდომარის მსგავსად, კრიპტოვალუტებს ძალიან უფრთხის.

Cornerstone Research-ის თანახმად, 2013 წლიდან მოყოლებული SEC-მა კრიპტოვალუტის ინდუსტრიის მონაწილეების წინააღმდეგ 97 სარჩელი შეიტანა. მათგან 20 2021 წელს მოხდა. ჯარიმის მთლიანმა მოცულობამ 2.35 მილიარდი დოლარი შეადგინა.

როგორც Cornerstone Research-ის უფროსი მენეჯერი, სიმონა მოლა (Simona Mola) აღნიშნავს, მას შემდეგ, რაც 2021 წლის აპრილში გარი გენსლერმა  SEC-ის ხელმძღვანელის პოსტი დაიკავა, კრიპტო კომპანიების დევნა დეპარტამენტის მთავარ პრიორიტეტად იქცა.

ახლახანს გენსლერი მომხმარებლების თაღლითებისგან დაცვის მოტივით კრიპტო პროექტების რეკლამის რეგულირების მოწოდებით გამოვიდა. 

SEC-ის მოქმედი თავმჯდომარის პოლიტიკას კომისიის ზოგიერთი წევრებიც არ ეთანხმებიან.

SEC-ის კომისრებმა ჰესტერ პირსმა (Hester Peirce) და ელად როისმანმა (Elad Roisman) გასულ წელს განაცხადეს, რომ ისინი  გარი გენსლერის დღის წესრიგში ციფრული აქტივების შესახებ განმარტებების ნაკლებობით იმედგაცრუებულნი არიან.

მათი აზრით, დოკუმენტი უნდა შეიცავდეს პუნქტებს, რომლებიც ინვესტორების დაცვასა და კომპანიების კაპიტალის მოზიდვაში დახმარებას  შეეხება.

წყარო: https://bits.media/