ილონ მასკის (Elon Musk) განცხადებით, Tesla ბიტკოინში გადახდებს მაშინ განაახლებს, როცა მაინერები ენერგიის განახლებადი წყაროების გამოყენებაზე გადავლენ.
ეს განცხადება მან Sygnia-ს აღმასრულებელი დირექტორის, მაგდა ვეჟიცკას (Magda Wierzycka) პასუხად გააკეთა,
რომელმაც მას კრიპტოვალუტის ბაზრით მანიპულირებაში დასდო ბრალი. ვეჟიცკას აზრით, Twitter-ის მეშვეობით
მასკი ბიტკოინის და სხვა კრიპტოვალუტების კურსებზე მოქმედებს, რათა დამატებითი შემოსავალი მიიღოს. მან მოუწოდა კიდეც აშშ-ს ფასიანი ქაღალდების კომისიას (SEC) გამოიძიონ მასკის საქმიანობა.
„ეს არ არის სწორი. Tesla-მ საკუთარი ბიტკოინების 10% იმისთვის გაყიდა, რომ დარწმუნებულიყო
პოზიციის ლიკვიდირება სწრაფად და მარტივად, ბაზარზე გავლენის მოხდენის გარეშე შეიძლებოდა. მას შემდეგ რაც დავრწმუნდებით, რომ ბიტკოინის მაინინგისთვის საჭირო ენერგიის
50%-ზე მეტი განახლებადი წყაროებიდან მიიღება, Tesla ბიტკოინში ანგარიშსწორებას განაახლებს.“-დაწერა მასკმა.
თებერვალში ცნობილი გახდა, რომ მასკის კომპანიამ კრიპტოვალუტაში 1.5 მილიარდი დააბანდა. აპრილში ტესლა-მ ბიტკოინების 10% გაყიდა. მაშინ ილონ მასკმა ხაზგასმით აღნიშნა, რომ მას საკუთარი ბიტკოინები არ გაუყიდია.
ილონ მასკის კომპანიის SpaceX-ის ყოფილმა სტაჟიორმა იელის უნივერსიტეტის ინფორმატიკის სტუდენტმა საჰილ გუფთამ განაცხადა, რომ ბიტკოინი ილონ მასკმა შექმნა. მისი განმარტებით, ბიტკონის შემქმნელის ფსევდონიმი სატოში ნაკამოტო მასკს ეკუთვნის და აღნიშნული განცხადების დასამტკიცებლად, რამდენიმე არგუმენტი მოჰყავს.
როგორ გუფთა აცხადებს, ბიტკოინი ისეთმა ადამიანმა გამოიგონა, რომელმაც პროგრამირების ენა ძალიან კარგად იცის.
ერთ-ერთ არგუმენტად მასკის ყოფილ თანამშრომელს ისიც მოჰყავს, რომ ილონ მასკი კრიპტოვალუტაზე არასდროს საუბრობს. საჰილის თქმით, მისი ვარაუდი შესაძლოა სიმართლე იყოს და ბოლოს დასძენს, რომ SpaceX-ის დამფუძნებლის ქონება დღესდღეობით 19.7 მილიარდი აშშ დოლარია და მას ელექტრონული ფულის ხარჯვის აუცილებლობა არ აქვს.
ილონ მასკი მხარს უჭერს ბიტკოინს
წყარო: https://bits.media
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)