აშშ ეროვნული კრიპტოვალუტის შემუშავებაზე ძალიან ნელა მუშაობს

აშშ ეროვნული კრიპტოვალუტის შემუშავებაზე ძალიან ნელა მუშაობს

სასაქონლო ფიუჩერსების სავაჭრო კომისიის (CFTC) ყოფილი თავმჯდომარის, ტიმოთი მასადის აზრით, აშშ საგადახდო სისტემების მოდერნიზაციის გეგმას ძალიან ნელა შეიმუშავებს.

შეერთებული შტატების კონგრესში ეკონომიკურ საკითხთა კომიტეტის ერთობლივი სხდომის დროს, მთავრობის მიერ ციფრული აქტივების გამოყენება განიხილეს.

განხილვისას მასადმა ხაზი  კრიპტოვალუტების სფეროში ამერიკის ჩამორჩენას გაუსვა .

მისი აზრით, ქვეყანაში გადახდის სისტემების გაუმჯობესებისა და მოდერნიზაციის ერთ-ერთი გზა სწორედ ეროვნული ციფრული ვალუტა შეიძლება გახდეს. ამავე დროს, ტიმოთი მასადის თქმით, იგივე მიზნებისთვის  სტეიბლკოინების გამოყენებაც შეიძლება.

CFTC-ის ყოფილმა თავმჯდომარემ, რომელმაც თანამდებობა  2017 წელს დატოვა, ხაზგასმით აღნიშნა, რომ დიდი თანხის გადატანისას სტეიბლკოინებს სულ უფრო მეტი ადამიანი იყენებს და ეს ამერიკული გადახდის სისტემების მოდერნიზაციის აუცილებლობას კიდევ ერთხელ ადასტურებს.

მასადმა ისიც აღნიშნა, რომ სახელმწიფო ფიატურ ვალუტებთან შედარებით, ასეთი აქტივების სანდოობა უფრო დაბალია, ამიტომ, შეერთებულ შტატებში ციფრული აქტივების დანერგვის მიზნით, აუცილებელია ისეთი რეგულაციების შემოღება, რომლებიც საბანკო რეგულაციების მსგავსი იქნება.

 „სახელმწიფო კრიპტოვალუტები, სტეიბლკოინები და სხვა ციფრული აქტივები ხშირად მოიხსენიება, როგორც ფინანსური სერვისების ხელმისაწვდომობის გაზრდის საშუალება.

და ჩვენ ეს არ უნდა დავივიწყოთ. ჩვენ ამაზე უნდა ვიმუშაოთ – ფინანსურ სერვისებზე მარტივი წვდომის საჭიროება მხოლოდ იზრდება ”- მიაჩნია ტიმოთი მასადს.

მიმდინარე წლის ივლისში მასადმა განაცხადა, რომ ბიტკოინზე სავაჭრო ფონდების (ETF) ამოქმედებამ შესაძლოა აშშ-ს კრიპტოვალუტის ინდუსტრია უფრო გამჭვირვალე გახადოს.

წყარო: https://bits.media