YouTube ახალი ტექნოლოგიების დანერგვის შესაძლებლობებს იკვლევს.
YouTube NFT, DAO და Web 3.0-ის ინტეგრაციის შესაძლებლობას იკვლევს.
YouTube-ის აღმასრულებელი დირექტორის სიუზან ვოჯიცკის (Susan Wojcicki) განცხადებით, პლანეტის უდიდეს ვიდეო სერვისს სურს მომხმარებლებს NFT და DAO ტექნოლოგიებით სარგებლობის შესაძლებლობა მისცეს.
სიუზან ვოჯიცკიმ, კონტენტის შემქმნელებისა და მომხმარებლებისადმი ყოველწლიურ წერილში განაცხადა, რომ პლატფორმა „YouTube-ის ეკოსისტემის გაფართოებით არის დაინტერესებული“, არაურთიერთჩანაცვლებადი ტოკენების ინტეგრაციის ჩათვლით.
„ჩვენ ყოველთვის YouTube-ის ეკოსისტემის გაფართოებაზე ვართ კონცენტრირებული. იმისთვის, რომ კონტენტის შემქმნელებს დავეხმაროთ ისარგებლონ ახალი ტექნოლოგიებით, მათ შორის ისეთით როგორიცაა NFT და ამავე დროს გავაგრძელოთ იმ გამოცდილების გამყარება და გაფართოება, რომელსაც შემქმნელები და გამომწერები YouTube-ზე იღებენ.“
გაურკვეველია, რა ფორმას მიიღებს YouTube-ის NFT-ები. მაგრამ, ვოჯიცკიმ ხაზგასმით აღნიშნა, რომ ვიდეო სერვისი „შთაგონების წყაროდ“ Web 3.0-ს განიხილავს.
პლატფორმა განსაკუთრეებით დეცენტრალიზებული ავტონომიური ორგანიზაციებით (DAO) არის დაინტერესებული.
YouTube-ის აღმასრულებელი დირექტორის თქმით, გასულ წელს კრიპტოვალუტების, ასევე NFT და DAO-ს განვითარების შედეგად კონტენტის შემქმნელებსა და მათ გამომწერებს შორის კავშირის გამყარების ისეთი შესაძლებლობები გაჩნდა, როგორზეც აქამდე ვერც კი იოცნებებდნენ.
მისი თქმით, YouTube ტექნოლოგიური გიგანტების იმ წრეში ჩაეწერა, რომლებიც თავიანთ პროექტებში Web 3.0 ტექნოლოგიების დანერგვას აპირებენ.
წყარო: https://bits.media/
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)