by Giorgi 
ტრამპმა კრიპტოპროექტებიდან მიღებულ შემოსავალზე ისაუბრა
CNBC-სთან ინტერვიუში აშშ-ის პრეზიდენტმა დონალდ ტრამპმა კრიპტოვალუტის პროექტებიდან მიღებული მილიარდობით შემოსავლის გამართლება სცადა და განაცხადა, რომ ამაში არაეთიკურს ან უკანონოს ვერაფერს ხედავს.
ტრამპმა კრიპტოვალუტები დიდ ბიზნესად მოიხსენია, რომელშიც შეერთებულმა შტატებმა ლიდერის პოზიცია უნდა დაიკავოს, წინააღმდეგ შემთხვევაში არის საფრთხე პირველობა ჩინეთს დაუთმოს. როდესაც პრეზიდენტს მისი ოჯახის მიერ საკრედიტო პლატფორმა World Liberty Financial-დან WLFI ტოკენებისა და მემეკოინ TRUMP-ის გაყიდვიდან მიღებული 1.4 მილიარდი დოლარის შესახებ ჰკითხეს, ტრამპმა უპასუხა, რომ ამაში ცუდი არაფერია.
ამერიკელმა ლიდერმა განაცხადა, რომ კრიპტოვალუტის ბიზნესში ჩართვა თანამდებობაზე დანიშვნამდე დაიწყო, ამიტომ, მისი აზრით, ინტერესთა კონფლიქტთან დაკავშირებით მის მიმართ კითხვები არ უნდა არსებობდეს. ტრამპმის თქმით, ის ინვესტიციებში პირადად არ არის ჩართული და აქტივებს მისი სახელით მსხვილი კომპანიები მართავენ.
„მე მოგებას ვიღებ, რადგან საფონდო ბაზარი იზრდება. მოგებას ყველა იღებს,“ – თქვა დონალდ ტრამპმა.
ცოტა ხნით ადრე, მასაჩუსეტსის შტატის დემოკრატმა სენატორმა ელიზაბეტ უორენმა (Elizabeth Warren) ტრამპი პირადი ფინანსური მოგების მიღების საზოგადოებრივ ინტერესებზე მაღლა დაყენებაში დაადანაშაულა. სენატორი შიშობს, რომ ტრამპს შეუძლია საკუთარი კრიპტო პროექტები ფინანსურ ზედამხედველობას აარიდოს, რაც კრიპტო პროექტებიდან მოგების მიღების შესაძლებლობას ანგარიშვალდებულების გარეშე მისცემს. უორენი შეშფოთებული იყო იმით, რომ აშშ-ის ფასიანი ქაღალდებისა და ბირჟების კომისია (SEC) კრიპტო ინდუსტრიის მიმართ უფრო ლმობიერი გახდა, რადგან ადრე ასეთ კომპანიებთან ყველა საკითხის სასამართლოში მოგვარებას ამჯობინებდა. თებერვალში დემოკრატი სენატორი ტრამპის კრიპტო პლატფორმა World Liberty Financial-ისთვის, საბანკო ლიცენზიის უარყოფის წინადადებით გამოვიდა, რადგან მისი რწმენით, ეს კორუფციაა.
ტრამპმა ცოტა ხნის წინ საკუთარ მონეტას TRUMP „კრიპტო ინდუსტრიის მხსნელი“ უწოდა. როგორც აშშ. პრეზიდენტმა აღნიშნა, ხელისუფლებაში დაბრუნების შემდეგ, შეერთებული შტატები მსოფლიოს კრიპტო დედაქალაქად იქცა. მან განაცხადა, რომ დეველოპერებმა და კრიპტო მეწარმეებმა შეერთებულ შტატებში დაბრუნება დაიწყეს, რაც ჯო ბაიდენის წინა ადმინისტრაციის დროს მხოლოდ ოცნებად ითვლებოდა.
წყარო: https://www.cnbc.com/2026/07/02/donald-trump-interview-live-updates.html
სიახლეების გამოწერა
