Mastercard მა აქსელერატორ Start Path ში

Mastercard მა აქსელერატორ Start Path ში

გადახდების გიგანტმა Mastercard პროგრამისთვის  Mastercard Start Path შვიდი კრიპტოვალუტის სტარტაპი შეარჩია. პროგრამა იმ ფირმების
მხარდასაჭერად არის მიმართული, რომლებიც კრიპტოვალუტებთან და ბლოკჩეინთან მუშაობენ.

ექვსთვიანი პროგრამის მონაწილეები გახდებიან: სავაჭრო პლატფორმა  Uphold, კრიპტოვალუტების შემნახველი ისრაელური ფირმა GK8, ამერიკული
საინვესტიციო პლატფორმა Domain Money, ორაკულების დეველოპერი SupraOracles, ბლოკჩეინების ინფრასტრუქტურის პროვაიდერი STACS, ფინტექ კომპანია
Taurus  და ასევე არაუერთიერთჩანაცვლებადი ტოკენების სავაჭრო პლატფორმა Mintable.

Mastercard-ის ხელმძღვანელობის განცხადებით, პროგრამაში Mastercard Start Path კრიპტოვალუტებთან მომუშავე ფირმების ჩართვა იმის დასტურია, რომ
კომპანია ინოვაციების განვითარებასა და კრიპტოვალუტებში ინვესტირების უსაფრთხოების დონის ამაღლებას უწყობს ხელს.

პროგრამის ფარგლებში თითოეული კომპანია Mastercard-ის ხელშეწყობით საკუთარი განვითარებისთვის კონკრეტულ ამოცანებზე იმუშავებს. მონაწილეებს
საშუალება მიეცემათ ითანამშრომლონ Mastercard-ის პარტნიორებთან, პარტნიორ ბანკებთან და სელერებთან და მათ საკუთარი ინოვაციური გადაწყვეტილებები
შესთავაზონ. Mastercard-ის ციფრული ინფრასტრუქტურისა და ფინანსური ტექნოლოგიების აღმასრულებელი ვიცე-პრეზიდენტის, ჯესიკა ტერნერის (Jessica Turner)
განაცხადებით, პროგრამა Mastercard Start Path პირველად 2014 წელს ამოქმედდა და მასში მონაწილეობა 250-მდე სტარტაპმა მიიღო. წლის დასაწყისში პროგრამაში
მონაწილეობა ფინტექისა კრიპტოვალუტების სფეროში მომუშავე სხვა ექვსმა სტარტაპმა მიიღო.

„ჩვენ შეგვიძლია ციფრული აქტივების განვითარებაში გადამწყვეტი როლი შევასრულოთ და ამით ინდუსტრიის მომწიფება დავაქაროთ. მოხარული ვიქნებით
ტრადიციული ფინანსებისა და ციფრული ინოვაციების შერწყმით კრიპტოვალუტების მომავლის შექმნაში ჩვენი წვლილი შევიტანოთ.“- ამბობს ტერნერი.

ამ თვეში კომპანიამ Mastercard კრიპტოვალუტის ბარათების მომსახურების პროგრამა გააფართოვა და ციფრული ვალუტების ფიატურ ფულზე კონვერტაცია გაამარტივა.
გარდა ამისა, Mastercard-მა აამოქმედა პლატფორმა, რომელზეც სხვადასხვა ქვეყნების ცენტრალურ ბანკებს სახელმწიფო სტეიბლკოინების ტესტირება შეუძლიათ.

წყარო: https://bits.media

Mastercard მა აქსელერატორ Start Path ში